Májilis depýtaty Zaǵipa Balieva elimizde pedofiliia dertiniń kórsetkishi artyp bara jatqanyn málimdedi, - dep habarlaidy Tengrinews.kz tilshisi.
"2017 jyldyń 9 aidaǵy kórsetkishin 2016 jyldyń osy merzimdegi qorytyndysymen salystyrsaq, Bas prokýratýranyń Quqyqtyq statistika jáne arnaiy esep komitetiniń málimetinshe, kámeletke tolmaǵandarǵa qatysty zorlaý siiaqty qylmystyń - 100-den 133-ke deiin artqanyn kóremiz. 33 paiyzǵa artqan. 2016 jyly zorlyqshylardan 180-nen asa bala zábir kórgen edi. Bul 2015 jylmen salystyrǵanda az, biraq, bul kórsetkish elimizde pedofiliianyń artyp kele jatqanyn bildiredi", - deidi Balieva úkimet basshysyna joldaǵan depýtattyq saýalynda.
Depýtat 2018 jyldan bastap pedofilderdi himiialyq kastratsiialaýǵa ruqsat etetin norma kúshine enetinin eske saldy.
"Densaýlyq saqtaý jáne qylmystyq-atqarý júiesi mekemeleri qanshalyqty daiyn? Eger abaqtyda bul máseleni qandaida bir jolmen sheshýge bolatyn bolsa, basqa jaza qoldanylyp, túrmeden bosap shyqqan zorlyqshylarǵa ne isteýge bolady", - dep surady depýtat.
Balieva úkimetten osy rezaliýtsiiany anyq sipattap berýin surady.
