***
Yqylymdarǵa barmai-aq beriden ǵana shiyrsaq, Mahambet pen Táttimbet, Dáýletkerei men Qurmanǵazy, Aqan men Birjan, Abai men Áset, Shákárim men Máshhúr, Álihan men Mustafa, Ahmet pen Aqjan (Mashani), Muhtar men Ǵabit, Álkei men Qanysh, Júsipbek (Elebekov) pen Ǵarifolla, Súgir men Tólegen, Ábiken men Maǵaýiia, Muqaǵali men Jumeken, Talasbek pen Serikbol (ózge de esimi atalmai qalǵan alyptardan keshirim suraimyn) – ULTTYŃ GENETIKALYQ KODTARY. Álihansha aitsaq «taǵdyr týdyrǵan som altyndar».
Bular telefonnyń segizdik sany sekildi. Termeseń (bilmeseń deiikshi) ult uǵymyna endei almaisyń. Árine, bul bar bolǵany avtordyń sýbektivti kózqarasy ǵana. Tizimge túzetý jasaimyz deitinder tabylyp jatsa, tek ǵana marhabbat deimiz...
***
Ánniń obaly men saýaby, burnaǵy bozjýsan bolmasy Tolýdyń (Tolǵanbai Sembaevtyń) kómeiinde ǵana qaldy. Birde qorǵasyndai aýyrlatyp, birde qaýyrsyndai jeńildetip eki ishekpen qos ómirdiń narqyn túsindirer salaýat Janǵalidyń saýsaǵynda tur.
Qazaqtyń qadym zamandardan bergi saýsaq ushyna kelip uiyǵan sher-nalasy Smatai Úmbetbaevpen birge joǵalar ma eken dep qorqamyn. Qai kúnderi alaburtqan kóńil saryǵyn baspaqqa Smatai shalǵan qobyz únine ańsarym aýdy. Nanasyz ba? Mádeniet ministrliginiń qoldaýymen shyqqan «myń kúiden» Smatai qobyzynyń únin tappai shynymen-aq qairan qaldym. Ne degen paryqsyz el edik osy? Búginde ne kóp ózi? Zady arzan, súiegi jasyq ónerpaz kóp. Al myna úsh korifei «QYZYL KITAPQA» KIRGEN «QAZAQTYQTYŃ» EŃ SOŃǴY, KÓZI TIRI KEIIPKERLERI ǴOI.
Átteń deisiń, ábilet basqan qoǵamǵa ishiń ottai janyp...
Júzbaevty tam-tumdap biletin jamiǵattyń anaý eki uly mýzyka mogikany týraly bilerine, ái, qaidam, kúmánim bar.
Yqylas Ojaiuly
Qalam ushyna tunǵan syr...
(Psihologiialyq etiýdtan úzindi)
