IýNESKO janyndaǵy Qazaqstannyń Turaqty ókildigi Parijde Naýryz meiramyna arnalǵan tanystyrylymǵa qatysty, dep habarlaidy "Ult aqparat" SIM baspasóz qyzmetine silteme jasap.
IýNESKO-nyń shtab-páterindegi is-sharany Aýǵanstan, Ázerbaijan, Irak, Iran, Qazaqstan, Pákistan, Tájikstan, Túrikmenstan jáne Túrkiianyń delegatsiialary birlese ótkizdi. Oǵan diplomatiialyq, saiasi jáne iskerlik toptardyń, óner, ǵylym jáne bilim berý salalarynyń, Naýryzdy toilaityn elderdiń Frantsiiadaǵy diasporalarynyń tanymal ókilderi qatysty.
Is-sharanyń ashylýynda sóilegen IýNESKO Bas direktorynyń orynbasary Getachev Engida barshany kele jatqan meirammen quttyqtap, 2016 jyly 12 memlekettiń usynymymen Naýryz meiramyn toilaý dástúri Adamzattyń materialdyq emes murasynyń reprezentativti tizimine engizilgenin erekshe atap ótti.
«Ejelden kele jatqan kóktem men jańarýdyń osy jarqyn merekesi barlyq halyqtarǵa jaqyn beibitshilik pen adam jáne tabiǵat arasyndaǵy úilesimdiliktiń qundylyqtaryn nasihattaidy», - dedi ol.
Jinalǵan qonaqtarǵa arnalyp qasietti dombyrada kúi shertildi. Ulttyq aspabymyzda kúi oryndaý óneri de 2014 jyly IýNESKO-nyń materialdyq emes mura tizimine engizilgen bolatyn. Otandasymyz Álibi Baitoqanyń oryndaýynda Qurmanǵazynyń «Balbyraýyn» jáne Seken Turysbekovtyń «Kóńil tolqyny» siiaqty tamasha shyǵarmalary oryndaldy.
Sonymen qatar, tanystyrylym barysynda árbir delegatsiia óziniń ulttyq taǵamdaryn usyndy. Qazaq dastarhanymen tanysqan qonaqtar naýryz kóje, qazy, jaia, mánti, samsa, baýyrsaq, qurt, jent pen irimshikten dám tatty.
Prezentatsiiaǵa jinalǵandar mádeniet, ǵylym jáne bilim berý salasyndaǵy irgeli halyqaralyq uiymnyń bas páterinde, álemniń jetekshi mádeni ortalyqtarynyń birinde Naýryzdy atap ótý kóktem men rýhani jańǵyrýymyzdyń osyndai tamasha meiramyn toilaityn Qazaqstannyń jáne basqa da kórshiles elderdiń bai murasyn nasihattaýǵa tamasha múmkindik bolǵanyn atap ótti.
