Qarasha aiynyń 5-nen 6-na qaraǵan túni elordanyń áýejaiyna Air Astana, Belavia, Turkish Airlines áýe kompaniialary oryndaǵan 4 reis kelip qondy. Ol ushaqtarmen 529 jolaýshy kelip jetkenimen, 34-niń PTR test anyqtamasy bolmaǵan, dep habarlaidy "Ult aqparat" áýejaidyń baspasóz qyzmetine silteme jasap.
PTR testiden koronavirýs juqtyrmaǵany anyqtalsa 34 jolaýshy úiine qaitarylady. Al indetke shaldyqqany belgili bolsa olar infektsiialyq statsionarǵa jóneltiledi.
«Saǵat 05.54 kezinde elordanyń áýejaiyna ushyp kelgen ushaqtyń jolaýshylary «eń tártipti» reis bolyp otyr. Ystanbul-Nur-Sultan reisimen kelgen 104 jolaýshynyń bárinde koronavirýs juqtyrmaǵany týraly PTR test anyqtamasy bolǵan», - dep habarlaidy áýejaidyń baspasóz qyzmetinen.
Aita ketsek Shyǵys Qazaqstandaǵy epidemiologiialyq ahýaldy turaqtandyrý maqsatynda Vedomstvoaralyq komissiianyń tóraǵasy Eraly Toǵjanov birqatar shekteý sharasyn engizýdi tapsyrǵan edi. Atap aitqanda 2 qarashadan bastap Óskemen men Nur-Sultan aralyǵyndaǵy reister sany aptasyna 17-den 7-ge deiin qysqardy. Al Shyǵys Qazaqstannan poiyzben jáne ushaqpen shyqqan azamattarda mindetti túrde koronavirýs juqtyrmaǵanyn rastaityn PTR anyqtama bolýy tiis.
Nursultan Nazarbaev halyqaralyq áýejaiy memlekettik organdarmen birge koronavirýs infektsiiasynyń aldyn alý úshin naqty sharalar keshenin júzege asyrýda:
● Jolaýshylar mindetti túrde termometriiadan ótýi kerek. Ol úshin teplovizorlyq smart-kameralar qoldanylady.
● Jolaýshylar terminalynda táýlik boiy sanitarlyq-karantindik beket brigadalary kezekshilikte júredi.
● Ishki jáne halyqaralyq reisterde ushý jáne qoný aýmaǵytarynda jolaýshylarǵa arnalǵan sanitaizerler ornatylǵan.
● Jolaýshylardy tirkeý, sonymen qatar Nursultan Nazarbaev halyqaralyq áýejaiynyń aýmaǵynda 1,5 mterlik áleýmettik qashyqty qamtamasyz etý tártibi edende naqty syzbamen kórsetilgen.
● Áýejaidyń ishki aýmaǵyn arnaiy dezinfektsiialyq quraldardy paidalana otyryp, sanitarlyq óńdeý jiiligi artty. Virýsqa qarsy belsendilikke ie antiseptik qoldanylady.
● Nursultan Nazarbaev halyqaralyq áýejaiyna keletin áýe kemeleriniń bári de dezinfektsiialyq óńdeýden ótedi. Sonymen qatar turaqty túrde jolaýshylarǵa qyzmet kórsetetin tehnikada dezinfektsiialyq jumystar júrgiziledi.
● Koronavirýs infektsiiasynyń taralýynyń aldyn alý boiynsha áýejai qyzmetkerleri nusqaýlyq júrgizedi.
