Senbi kúni Túrkiiada «Ystanbul» megajobasyn júzege asyrý aiasynda alǵashqy kópirdiń irgetasy qalanady, dep habarlaidy "Ult aqparat" Anadoly agenttigine silteme jasap.
«Sazlydere» sý qoimasy arqyly ótetin birinshi kópirdiń irgetasyn qalaý rásimine Túrkiia prezidenti Rejep Taiyp Erdoǵan, Túrkiianyń kólik jáne infraqurylym ministri Ádil Karaismailoǵlý jáne taǵy basqalary qatysady.
Bosfor buǵazyn ainalyp ótetin jasandy kólik arteriiasy Qara jáne Marmara teńizderin bailanystyrady. Bul, Túrkiianyń halyqaralyq saýdadaǵy rólin arttyrmaq.
Álemdegi júktemesi eń kóp teńiz joldarynyń biri – Bosfor arqyly jyl saiyn 43 myńnan astam keme ótedi. Bul kórsetkish halyqaralyq kelisimderge sáikes 25 myń deńgeiinde belgilengenin aita keteiik.
Túrkiia biliginiń boljamyna sáikes, 2050 jyldan keiin Qara jáne Marmara teńizderi arasyndaǵy keme aǵyny 78 myńǵa jetedi, bul jańa teńiz arteriiasyn qurýdyń mańyzdylyǵyn arttyrady.
Kanal uzyndyǵy 45 km quraidy.
