Ystambul politsiiasy Jańa jyl túni Reina túngi klýbynyń qonaqtaryn atyp tastady delingen kúdiktini ustady, - dep habarlaidy Daily Sabah.
Basylymnyń málimetinshe, Ózbekstan týmasy Abdýlgadir Masharipov arnaiy operatsiia kezinde Eseniýrt aýdanynda ustalǵan. Ol osyǵan deiin tanysynyń páterinde jasyrynyp kelipti. Tanysy Qyrǵyzstan týmasy eken. Gazet Masharipovtyń ustalǵan kezde túsirilgen sýretin jariialady, sýretten onyń jaralanǵanyn kórýge bolady.
© dailysabah.com
Eske salaiyq, Ystambulda 1 qańtarǵa qaraǵan túni Reina túngi klýbyna shabýyl jasalǵan bolatyn. Kúdikti mekemege kirip kelip, adamdardy ata bastaǵan. Saldarynan 39 adam qaza tapty. Terakt jasady delingen kúdikti jasyrynyp úlgergen.
Túrik politsiiasy Masharipovty izdestirý barysynda Ystambulda 150 myń dollar qarajat tapqan. Bul qarajat, tergeýdiń málimetinshe, terakt jasaǵany úshin tólem bolýy múmkin.
