Foto: aa.com.tr saitynan
"QazMunaiGaz" "Ystambuldaǵy stadionnyń ataýyn ózgertý" týraly aqparatqa qatysty pikir bildirdi. Onda stadionǵa "QazMunaiGaz" ataýy beriletini týraly aitylǵan, - dep habarlaidy Tengrinews.kz portaly.
Buǵan deiin keibir Telegram-arnalar "QazMunaiGaz" Ystambuldaǵy klýb stadiony ataýyn bes jylǵa jalǵa alý boiynsha kelissóz júrgizip jatqany týraly aqparat jariialaǵan bolatyn jáne osy kezeńde qazaqstandyq kompaniia 50 million eýrodan asa qarjy tóleýi tiis degen boljam aitylǵan.
"QazMunaiGaz" ókilderi aqparatty joqqa shyǵardy.
"QazMunaiGaz" UK AQ (QMG) áleýmettik jelilerde taraǵan "Ystambul qalasyndaǵy "Beshiktash" fýtbol klýby stadionyna "QazMunaiGaz" ataýyn berý" týraly aqparattyń shyndyqqa sai kelmeitinin habarlaidy", - delingen habarlamada.
Sondai-aq, ulttyq kompaniia QR zańnamasynda kórineý jalǵan aqparat taratý jáne jariialaýǵa jaýapkershilik qarastyrylǵanyn eske saldy.
"Qazaqstan azamattary men buqaralyq aqparat quraldaryn tek resmi derekterge senýge, arandatýshylyqqa jol bermeýge jáne jalǵan aqparat taratpaýǵa shaqyramyz", - delingen resmi habarlamada.
