Túrkiianyń Ystambul qalasynda Tehnofest aeroǵarysh jáne tehnologiialyq festivali bastaldy. Osymen altynshy ret uiymdastyrylǵan aitýly shara biyl Túrkiia Respýblikasynyń qurylǵanyna 100 jyldyǵyna arnalǵan. Tehnofesttiń negizgi maqsaty qazirgi qoǵamda tehnologiiaǵa degen qyzyǵýshylyqty arttyrýdy jáne Túrkiiany tehnologiiany óndiretin jáne damytatyn el retinde álemge tanytý. Biylǵy festivaldegi kórmege azamattyq jáne áskeri áýetehnikanyń túr-túri qoiylǵan.
Munda ushaqtyń, tikushaqtyń jáne ushqyshsyz basqarylatyn tehnikalardyń ondaǵan túri kópshilikke kórsetildi. Iri aviatsiialyq shoýǵa ásirese mektep oqýshylarynyń qyzyǵýshylyǵy zor. Festivalge otbasymen serýendep kelgenderdiń de qarasy kóp.
Ǵylym men tehnologiialyq óndiriske arnalǵan mereke 27 sáýir men 1 mamyr aralyǵynda Ystambuldyń Atatúrik áýejaiynda, al Ankarada 30 tamyz ben 3 qyrkúiek aralyǵynda ótpek.
