YouTube kúsh qoldaný qaýpi seiilse, AQSh-tyń burynǵy prezidenti Donald Tramptyń akkaýntyn buǵattan bosatady. Bul týraly videohosting jetekshisi Siýzan Voichitski habarlady, - dep jazdy Politico.
Tramptyń YouTube, Facebook jáne Twitter-degi akkaýnttary eks-prezidenttiń radikaldy jaqtastarynyń 6 qańtar kúngi Kapitoliige shabýylynan keiinbuǵattalǵan. Olar Tramptyń qarsylasy demokrat Djo Baidenniń prezident sailaýyndaǵy jeńisin bekitýge arnalǵan senat otyrysyn ótkizbei tastaǵan. Áleýmettik jeli basshylary Tramptyń jariialaǵan aqparattary tártipsizdikti qozdyrýy múmkin dep sanaǵan.
Aqpan aiynda Twitter mikroblog servisi Tramp akkaýntyn ómirbaqi buǵattaitynyn rastaǵan. Tipti Tramp bolashaqta prezident sailaýyna túsip, jeńgen kúnniń ózinde de Twitter akkaýntyn qaitara almaidy.
Keibir sarapshylar áleýmettik jeli basshylarynyń bul áreketin synap, sóz bostandyǵyn shekteý máselesin kótergen.
