Qazaqstanda jalpy egis alańy 86,4 myń gektarǵa ulǵaiyp, 22,7 mln gektardy quraidy. Bul týraly Úkimet otyrysynda Aýyl sharýashylyǵy ministri Saparhan Omarov málim etti, dep habarlaidy "Ult aqparat".
«2021 jylǵy egis naýqanyna daiyndyq boiynsha josparly jumystar júrgizilip keledi. Boljamdy qurylymǵa súiensek, jalpy egis alańy 86,4 myń gektarǵa ulǵaiyp, 22,7 mln gektardy quraityn bolady. Maily, azyqtyq jáne kókónis-baqsha daqyldarynyń, sondai-aq qaraqumyq ári qant qyzylshasy siiaqty áleýmettik daqyldardyń alańdaryn ulǵaitý josparlanyp otyr. Sonymen qatar bidai, kúrish jáne maqta siiaqty dara daqyldar men ylǵaldy kóp qajet etetin daqyldar egiletin alqaptar qysqartylady», - dedi ministr.
Onyń aitýynsha, kóktemgi dala jumystaryn ýaqtyly júrgizý maqsatynda agroónerkásiptik keshen sýbektileri 70 mlrd teńge somasynda jeńildetilgen kreditpen, 379,8 myń tonna kóleminde arzandatylǵan janar-jaǵarmai materialdarymen qamtamasyz etiletin bolady. Ol naryqtyq baǵadan 11 paiyzǵa arzan deńgeide belgilenedi.
