قازاقستاندا جالپى ەگٸس الاڭى 86,4 مىڭ گەكتارعا ۇلعايىپ, 22,7 ملن گەكتاردى قۇرايدى. بۇل تۋرالى ٷكٸمەت وتىرىسىندا اۋىل شارۋاشىلىعى مينيسترٸ ساپارحان وماروۆ مەلٸم ەتتٸ, دەپ حابارلايدى "ۇلت اقپارات".
«2021 جىلعى ەگٸس ناۋقانىنا دايىندىق بويىنشا جوسپارلى جۇمىستار جٷرگٸزٸلٸپ كەلەدٸ. بولجامدى قۇرىلىمعا سٷيەنسەك, جالپى ەگٸس الاڭى 86,4 مىڭ گەكتارعا ۇلعايىپ, 22,7 ملن گەكتاردى قۇرايتىن بولادى. مايلى, ازىقتىق جەنە كٶكٶنٸس-باقشا داقىلدارىنىڭ, سونداي-اق قاراقۇمىق ەرٸ قانت قىزىلشاسى سيياقتى ەلەۋمەتتٸك داقىلداردىڭ الاڭدارىن ۇلعايتۋ جوسپارلانىپ وتىر. سونىمەن قاتار بيداي, كٷرٸش جەنە ماقتا سيياقتى دارا داقىلدار مەن ىلعالدى كٶپ قاجەت ەتەتٸن داقىلدار ەگٸلەتٸن القاپتار قىسقارتىلادى», - دەدٸ مينيستر.
ونىڭ ايتۋىنشا, كٶكتەمگٸ دالا جۇمىستارىن ۋاقتىلى جٷرگٸزۋ ماقساتىندا اگروٶنەركەسٸپتٸك كەشەن سۋبەكتٸلەرٸ 70 ملرد تەڭگە سوماسىندا جەڭٸلدەتٸلگەن كرەديتپەن, 379,8 مىڭ توننا كٶلەمٸندە ارزانداتىلعان جانار-جاعارماي ماتەريالدارىمەن قامتاماسىز ەتٸلەتٸن بولادى. ول نارىقتىق باعادان 11 پايىزعا ارزان دەڭگەيدە بەلگٸلەنەدٸ.
