Búgin, 5 qańtar saǵat 20:35-te «Qazaqstan» ulttyq telearnasy túsirgen aǵartýshy, ustaz Ybyrai Altynsarinniń ómiri men rýhani murasyna arnalǵan «Ustaz» derekti filmi efirge shyǵady, dep habarlaidy "Ult aqparat".
«Film avtorlary Orynbor shekara komissiiasynyń muraǵatynan patsha úkimetiniń qazaqtardy shoqyndyrý saiasaty qalai bastalǵanyn kórsetetin materialdardy tapty. Oqiǵa Ybyrai Altynsarin men orys missioneri Ilminskiidiń kezdesýin kórsete otyryp baiandalady. Filmde Altynsarinniń jáne Ilminskiidiń hattary - Ilminskiidiń 1869 jyly aǵartý ministri D.Tolstoiǵa, Altynsarinniń 1889 jyly V. Katarinskiige jazǵan haty zerttelip, hristian missionerleriniń shynaiy piǵylyn ashatyn úzindiler keltiriledi», - dep atap ótedi telearnadan.
Jobada sonymen birge Y.Altynsarinniń 1884 jyly shyqqan «Musylmanshylyqtyń tutqasy» atty eńbeginiń jaryq kórý tarihy, Troitsk qalasynda medrese ashylǵanda Altynsarinniń onyń salynýyna óz qaltasynan qarjylai kómek bergeni baiandaldy. Muniń bári uly ustazdyń tek qazaqtyń emes, barsha túrki halyqtarynyń orasan zor qairatkeri ekenin kórsetedi.
Joba avtory – jýrnalist Darhan Ábdik. Derekti týyndy «Qazaqstan» arnasynan búgin saǵat 20:35-te efirge shyǵady.
