بٷگٸن, 5 قاڭتار ساعات 20:35-تە «Qazaqstan» ۇلتتىق تەلەارناسى تٷسٸرگەن اعارتۋشى, ۇستاز ىبىراي التىنساريننٸڭ ٶمٸرٸ مەن رۋحاني مۇراسىنا ارنالعان «ۇستاز» دەرەكتٸ فيلمٸ ەفيرگە شىعادى, دەپ حابارلايدى "ۇلت اقپارات".
«فيلم اۆتورلارى ورىنبور شەكارا كوميسسيياسىنىڭ مۇراعاتىنان پاتشا ٷكٸمەتٸنٸڭ قازاقتاردى شوقىندىرۋ ساياساتى قالاي باستالعانىن كٶرسەتەتٸن ماتەريالداردى تاپتى. وقيعا ىبىراي التىنسارين مەن ورىس ميسسيونەرٸ يلمينسكييدٸڭ كەزدەسۋٸن كٶرسەتە وتىرىپ باياندالادى. فيلمدە التىنساريننٸڭ جەنە يلمينسكييدٸڭ حاتتارى - يلمينسكييدٸڭ 1869 جىلى اعارتۋ مينيسترٸ د.تولستويعا, التىنساريننٸڭ 1889 جىلى ۆ. كاتارينسكييگە جازعان حاتى زەرتتەلٸپ, حريستيان ميسسيونەرلەرٸنٸڭ شىنايى پيعىلىن اشاتىن ٷزٸندٸلەر كەلتٸرٸلەدٸ», - دەپ اتاپ ٶتەدٸ تەلەارنادان.
جوبادا سونىمەن بٸرگە ى.التىنساريننٸڭ 1884 جىلى شىققان «مۇسىلمانشىلىقتىڭ تۇتقاسى» اتتى ەڭبەگٸنٸڭ جارىق كٶرۋ تاريحى, ترويتسك قالاسىندا مەدرەسە اشىلعاندا التىنساريننٸڭ ونىڭ سالىنۋىنا ٶز قالتاسىنان قارجىلاي كٶمەك بەرگەنٸ باياندالدى. مۇنٸڭ بەرٸ ۇلى ۇستازدىڭ تەك قازاقتىڭ ەمەس, بارشا تٷركٸ حالىقتارىنىڭ وراسان زور قايراتكەرٸ ەكەنٸن كٶرسەتەدٸ.
جوبا اۆتورى – جۋرناليست دارحان ەبدٸك. دەرەكتٸ تۋىندى «Qazaqstan» ارناسىنان بٷگٸن ساعات 20:35-تە ەفيرگە شىعادى.
