Foto: Mádeniet jáne aqparat ministrligi
Qoljazbalar jáne sirek kitaptar ulttyq ortalyǵynyń mamandary ǵulama, uly oishyl Qoja Ahmet Iasaýidiń Amerikadan tabylǵan qoljazbasynyń kóshirmesin jaryqqa shyǵardy, dep habarlaidy "Ult aqparat" Mádeniet jáne aqparat ministrliginiń baspasóz qyzmetine silteme jasap.
«Risala Mirat ál Kýlýb» kitabynyń túpnusqasy HII ǵasyrda arab grafikasymen túrki tilinde jazylǵan. Qoljazba «Diýani hikmetke» qaraǵanda proza túrinde jaryq kórgen. Úsh taraýdan turatyn shyǵarma ádildik, adaldyq, izgilik siiaqty gýmanistik qundylyqtardy sipattaidy.
Foto: Mádeniet jáne aqparat ministrligi
Qazirgi ýaqytta mamandar Vashingtondaǵy AQSh Kongresiniń kitaphanasynan tabylǵan XVIII ǵasyrda kóshirilgen nusqa men burynnan bar túpnusqanyń ereksheligin zerttep jatyr.
«Qoljazbalar jáne sirek kitaptar ulttyq ortalyǵy qoryna Qazaqstan tarihyna qatysty jazba muralardy jinaqtaý barysynda muralardy izdep tabýdyń ártúrli joldary qoldanylyp jatyr. Sonyń biri - kóne qoljazbalar men sirek kitaptardyń, kartalardyń elektrondy nusqalaryn internet júiesinen izdestirý jumystary. Qazaqstan tarihyna qatysty óte mańyzdy degen baǵaly jazba derekterdiń kóshirmeleri sheteldik saittardan anyqtalyp, faksimildi kóshirmeleri jasalady», - dedi Qoljazbalar jáne sirek kitaptar ulttyq ortalyǵynyń bas sarapshysy Almat Absalyqov.
Foto: Mádeniet jáne aqparat ministrligi
Kitapty túpteý jumystary 3 aptaǵa sozylǵan. Faksimildi kóshirmeniń jekelegen betteri blok túrinde tigilgen. Muqabaǵa 3 mm karton qaǵazy men ashyq qońyr tústi bylǵary qoldanylǵan.
Qoljazbanyń HII ǵasyrdaǵy túpnusqasy QR Ulttyq kitaphanasynda saqtalǵan.
