Iamal-Nenets avtonomdy okrýgi – Túmen oblysynyń quramyna kiretin Resei Federatsiiasynyń sýbektisi. «Iamal» sózi nenets tilinen aýdarǵanda «jer sheti» degendi bildiredi. Shynymen, bul aimaq Arktikada, Batys Sibirdiń soltústik jaǵynda ornalasqan.
Iamal – dástúrli úiler men baiyrǵy turǵyndardyń kásipteri men zamanaýi infraqurylymdy bailanystyratyn qyzyqty óńir, jahandaný jaǵdaiynda bilimdi, damyǵan, biraq óziniń erekshe mádenietin, saltyn, turmystyq ǵurpyn saqtap qalǵan halyq.
Atalǵan aimaq shalǵai ornalasqandyqtan, Iamal jaiynda kóbi bile bermeidi, onyń ómirimen qyzyqpaidy. Uiymdastyrylǵan «Iamalskie sezony» jobasynyń arqasynda túrli elderdiń adamdary birte-birte sulý tabiǵaty, óz mádenietin, tarihyn, tilin, dástúrleri men ǵuryptaryn saqtaǵan halqy bar bul óńir jaiynda bile bastady.
2017 jylǵy 15 qarashada S. Muqanov atyndaǵy Soltústik Qazaqstan oblystyq ámbebap ǵylymi kitaphanasynyń konferents zalynda Petropavl qalasynda Iamal-Nenets avtonomdy okrýgi prezentatsiiasy ótti. Bul – «Iamalskie sezony» aýqymdy jobasynyń sońǵy is-sharasy. Atalǵan jobanyń maqsaty mádeniet men óner salasynda yntymaqtastyqty damytý, sondai-aq Resei Federatsiiasy jáne Qazaqstan Respýblikasynyń shekaralas aimaqtarynda diplomatiialyq bailanysty nyǵaitýǵa baǵyttalǵan jańa jobalardy qurý bolyp tabylady.
Uiymdastyrýshylar Iamal-Nenets avtonomdy okrýginiń Halyqaralyq jáne syrtqy ekonomikalyq bailanystar departamenti, Soltústik Qazaqstan oblysynyń ákimdigi, S. Muqanov atyndaǵy Soltústik Qazaqstan oblystyq ámbebap ǵylymi kitaphanasy, sondai-aq Qorǵan oblysyndaǵy Iamal-Nenets avtonomdy okrýginiń ókildigi boldy.
Is-shara bastalmas buryn «Iamalskie sezony v Kazahstane» kórneki kitap kórmesi, «Iamal. Mir. Arktika. Liýdi» fotokórmesi resimdeldi. Resei Federatsiiasynyń halyq sýretshisi German Travnikovtyń sýretter kórmesi usynyldy, onyń jumystary oblystyq beineleý óneri murajaiynda qoiylǵan.
Resei Federatsiiasynyń Qorǵan oblysyndaǵy Iamal-Nenets avtonomdy okrýgi ókildigi basshysynyń orynbasary Elena Rýdovskaia jobany iske asyrý aiasynda is-sharany uiymdastyrýda járdem kórsetkeni úshin alǵys sózderin bildirdi. Ol Soltústik Qazaqstanmen, ásirese mádeniet pen óner salasynda burynnan dostyq ornaǵanyn atap ótti. «Bizdiń mádeni ózara almasýymyz halqymyz ben elimizdiń dostyq qarym-qatynastaryn nyǵaitýǵa septigin tigizedi». Sóitip, Iamal-Nenets avtonomdy okrýgi Halyqaralyq jáne syrtqy ekonomikalyq bailanystar departamentiniń atynan mádeniet, muraǵattar jáne qujattama basqarmasyna, oblystyq tarihi-ólketaný murajaiyna, S. Muqanov atyndaǵy oblystyq ámbebap ǵylymi kitaphanasyna, Soltústik Qazaqstan oblystyq Qazaqstan halqy assambleiasyna alǵys hattar men estelik syilyqtar tabystaldy.
Kezdesý barysynda Soltústik Qazaqstan oblystyq Qazaqstan halqy assambleiasy hatshylyǵynyń meńgerýshisi Nail Salimov: «Biz ózgerister men qyzyqty oqiǵalar dáýirinde ómir súremiz. Jýyrda memleketter basshylary Nursultan Ábishuly Nazarbaev jáne Vladimir Vladimirovich Pýtinniń qatysýymen Resei-Qazaqstan óńiraralyq yntymaqtastyq forýmy ótti. Forým aiasynda 2018 jyly uqsas is-sharany Petropavl qalasynda ótkizý jaiynda habarlandy. Bul elderdiń myqty dostyq qarym-qatynasyn kórsetedi», - dedi.
Sonymen birge Nail Salimov «Rossiia i Kazahstan – dva kryla vechnoi drýjby» gýmanitarlyq-mádeni aktsiiasynyń aiasynda ótkizilgen kezdesý mádeniettiń damýyna, eki el halyqtaryn baiytýǵa oń áser etetindigin atady.
Is-shara sońynda Konstantin Iamzin jáne Irina Iýn ulttyq aspaptardy qoldanýmen nenets tilinde ánder shyrqady. Kórermender ártisterdi dý qol shapalaqpen qarsy alyp, olardyń týyndylaryn súisine tyńdady.
Is-sharadan keiin barlyq tilek bildirýshiler nenets halqynyń dástúrli taǵamdarynan aýyz tidi, dámi bárine unady.
Is-sharaǵa Petropavl qalasy shyǵarmashylyq ziialylary jáne jurtshylyq ókilderi, oblystyq Qazaqstan halqy assambleiasynyń músheleri, kitaphanalar, murajailar qyzmetkerleri, kolledjder, M. Qozybaev at. SQMÝ oqytýshylary men stýdentteri, jurtshylyq, BAQ qatysty.
.jpeg)