QR aqparat jáne kommýnikatsiia ministri Dáýren Abaev qazaqstandyqtardy Táýelsizdiktiń 25 jyldyq mereitoiymen quttyqtady, - dep habarlaidy "Ult aqparat". Bul týraly ol Facebook áleýmettik jelisindegi resmi paraqshasynda jazdy.
"Ardaqty aǵaiyn! Barshańyzdy uly mereke - Táýelsizdiktiń 25 jyldyq mereitoiymen shyn júrekten quttyqtaimyn! Bul - shirek ǵasyr ishindegi irgeli isterdi qorytyndylaityn mereili sát. Osynaý jyldar ishinde Qazaq eli Elbasynyń basqarýymen talai belden, talai asýdan asty. Joǵymyzdy túgendep, ulttyq qundylyqtarymyzdy jańǵyrttyq. Memlekettik tilimiz tórge ozdy. Álem tanyǵan berekeli de merekeli el boldyq.
Osynyń bári - eń aldymen qasterli Táýelsizdiktiń arqasy. Barshańyzdy uly merekemen quttyqtai otyryp, otbasylaryńyzǵa amandyq, shańyraqtaryńyzǵa shattyq, baq-bereke tileimin! XXI ǵasyr qazaqtyń altyn ǵasyry bolǵai!", - dep jazdy ministr paraqshasynda.
Aita keteiik, búgin, 16 jeltoqsanda qazaqstandyqtar eldiń basty ulttyq merekesi Táýelsizdik kúnin atap ótip jatyr. 25 jyl buryn Qazaqstan Respýblikasynyń táýelsizdigi men memlekettik egemendigi týraly zań qabyldanǵan.
.jpeg)