Bas prokýratýra Qyrǵyzstannan uiymdasqan qylmystyq top quramynda asa iri kólemde alaiaqtyq jasady degen kúdikke ilingen Qazaqstan azamatyn ekstraditsiialady, dep habarlaidy ult.kz.
Tergeý málimetinshe, kúdikti 2007-2008 jyldary Almatyda áreket etken uiymdasqan qylmystyq topty basqarǵan. Ol top múshelerimen birge qazaqstandyq bankterdiń birinen qaitarylmaityny belgili nesielerdi rásimdeý arqyly 183 million teńgeden astam qarjyny jymqyrǵan.
Tergeý deregine sáikes, qoldy bolǵan qarajat qylmystyq top músheleri arasynda bólinip, jeke maqsattaryna jumsalǵan.
Qylmystan keiin toptyń birqatar músheleri sottalǵan. Al kúdikti quqyq qorǵaý organdarynan jasyrynyp, halyqaralyq izdeýge jariialanǵan.
Biyl aqpan aiynda ol Bishkek qalasynda qolǵa túsip, Qazaqstan Bas prokýratýrasynyń suraýy negizinde elge ekstraditsiialandy. Qazir kúdikti tergeý izoliatoryna qamaldy.
Oǵan taǵylǵan aiyptar boiynsha múlki tárkilenip, 12 jylǵa deiin bas bostandyǵynan aiyrylýy múmkin.
