Belgili jýrnalist, «Habar» telearnasynyń «Jeti kún» baǵdarlamasynyń redaktor-taldaýshysy Indira Orynbaiqyzy Jylqaidarova dúnieden ótti, dep habarlaidy ult.kz.
Bul týraly QR Mádeniet jáne aqparat ministrligi málimdedi.
Indira Jylqaidarova 2015 jyldan bastap «Habar» agenttiginde eńbek etken. Sońǵy jyldary «Jeti kún» baǵdarlamasynda redaktor-taldaýshy qyzmetin atqardy.
Ol parlamenttik jýrnalistikaǵa, qoǵamdyq-saiasi máselelerge jáne elimizdiń zań shyǵarý úderisin aqparattyq turǵydan jariia etýge erekshe kóńil bóldi. Jýrnalist el ómirindegi mańyzdy oqiǵalardy taldap, ózekti máselelerdi kórermenge jedel ári shynaiy jetkizýge úles qosty.
Indira Orynbaiqyzynyń kásibi eńbegi túrli jýrnalistik baiqaýlarda joǵary baǵalanǵan.
QR Mádeniet jáne aqparat ministrligi marqumnyń otbasy men týǵan-týystaryna, jaqyndary men áriptesterine kóńil aitty.
«Qazaq jýrnalistikasynda ózindik qoltańbasyn qaldyrǵan ardaqty jannyń jarqyn beinesi týǵan halqynyń jadynda máńgi saqtalady dep senemiz», – delingen ministrlik habarlamasynda.
