Jasulan Bazarbaev qyzynyń beinejazbasyn kórip, tikelei efirde kózine jas aldy. Sebebi «Habar» arnasy onyń sóilemeitin qyzyn JI arqyly sóiletken, dep habarlaidy ult.kz.
Ánshiniń ózi áleýmettik jelide buǵan deiin qyzdy bolýdy armandap, segiz jyl kútkenin, alaida qyzy 2,5 jasqa tolǵanda onyń diagnozy bar ekenin bilgen.
«Sol sátten bastap em izdep, talai mamannyń kómegine júgindik. Barmaǵan jerimiz, qaqpaǵan esigimiz qalmady. Búginde qyzymyz on jastan asty. Jaimen sóilep bastap, óz oiyn jetkizip júr», – degen ánshi.
Jýrnalist ánshiniń ekranǵa nazar aýdarýyn suraidy. Sol sátte kishkentai qyzdyń sóilep, ákesine ystyq lebizin bildirgen videosy shyǵady. Ánshi kóz jasyna erik berdi. Jeli qoldanýshylary ashýǵa býlyqty. Olar bul tym ersi áreket ekenin aitty.
Aita keteiik, bul «Habar arnasy» daýǵa qalǵan birinshi jaǵdai emes. «Habar» telearnasy turmystyq zorlyq-zombylyq kórgen áieldi tok-shoýǵa shaqyryp, qorlyq kórsetken kúieýin onyń kelisiminsiz efirge shyǵarǵan. Bul jaǵdai jábirlenýshige aýyr tiip, sońy daýǵa ulasty. Joba jetekshileri jábirlenýshige efir aldynda agressor kúieýi bolmaitynyna sendirip, onyń beti jabyq bolatynyna ýáde bergen. Alaida bul ýádeni oryndamai, jábirlenýshini efir arqyly kúieýine qospaq bolǵan tok-shoý kórermen synyna ushyrap, qoǵamda úlken rezonans týdyrdy.
