جاسۇلان بازارباەۆ قىزىنىڭ بەينەجازباسىن كٶرٸپ, تٸكەلەي ەفيردە كٶزٸنە جاس الدى. سەبەبٸ «حابار» ارناسى ونىڭ سٶيلەمەيتٸن قىزىن جي ارقىلى سٶيلەتكەن, دەپ حابارلايدى ult.kz.
ەنشٸنٸڭ ٶزٸ ەلەۋمەتتٸك جەلٸدە بۇعان دەيٸن قىزدى بولۋدى ارمانداپ, سەگٸز جىل كٷتكەنٸن, الايدا قىزى 2,5 جاسقا تولعاندا ونىڭ دياگنوزى بار ەكەنٸن بٸلگەن.
«سول سەتتەن باستاپ ەم ٸزدەپ, تالاي ماماننىڭ كٶمەگٸنە جٷگٸندٸك. بارماعان جەرٸمٸز, قاقپاعان ەسٸگٸمٸز قالمادى. بٷگٸندە قىزىمىز ون جاستان استى. جايمەن سٶيلەپ باستاپ, ٶز ويىن جەتكٸزٸپ جٷر», – دەگەن ەنشٸ.
جۋرناليست ەنشٸنٸڭ ەكرانعا نازار اۋدارۋىن سۇرايدى. سول سەتتە كٸشكەنتاي قىزدىڭ سٶيلەپ, ەكەسٸنە ىستىق لەبٸزٸن بٸلدٸرگەن ۆيدەوسى شىعادى. ەنشٸ كٶز جاسىنا ەرٸك بەردٸ. جەلٸ قولدانۋشىلارى اشۋعا بۋلىقتى. ولار بۇل تىم ەرسٸ ەرەكەت ەكەنٸن ايتتى.
ايتا كەتەيٸك, بۇل «حابار ارناسى» داۋعا قالعان بٸرٸنشٸ جاعداي ەمەس. «حابار» تەلەارناسى تۇرمىستىق زورلىق-زومبىلىق كٶرگەن ەيەلدٸ توك-شوۋعا شاقىرىپ, قورلىق كٶرسەتكەن كٷيەۋٸن ونىڭ كەلٸسٸمٸنسٸز ەفيرگە شىعارعان. بۇل جاعداي جەبٸرلەنۋشٸگە اۋىر تيٸپ, سوڭى داۋعا ۇلاستى. جوبا جەتەكشٸلەرٸ جەبٸرلەنۋشٸگە ەفير الدىندا اگرەسسور كٷيەۋٸ بولمايتىنىنا سەندٸرٸپ, ونىڭ بەتٸ جابىق بولاتىنىنا ۋەدە بەرگەن. الايدا بۇل ۋەدەنٸ ورىنداماي, جەبٸرلەنۋشٸنٸ ەفير ارقىلى كٷيەۋٸنە قوسپاق بولعان توك-شوۋ كٶرەرمەن سىنىنا ۇشىراپ, قوعامدا ٷلكەن رەزونانس تۋدىردى.
