2021 jyldyń 14 naýryzynda QR Indýstriia jáne infraqurylymdyq damý ministrligi men «Wizz Air Abu Dhabi» áýe kompaniiasy arasynda QR men BAÁ arasynda turaqty reister ashý týraly birlesken málimdemege qol qoiyldy, dep habarlaidy "Ult aqparat".
Atalysh qujatqa QR Premer-Ministri Asqar Maminniń Birikken Arab Ámirlikterine jumys sapary sheńberinde qol qoiylyp otyr, delingen QR Inýdýstriia jáne infraqurylymdyq damý ministrliginiń baspasóz habarlamasynda.
Málimdemede «Wizz Air Abu Dhabi» áýe kompaniiasynyń 2021 jylǵy mamyr aiynyń ortasynan bastap Abý-Dabi men Nur-Sultan jáne Almaty qalalary arasynda turaqty reister jasaýǵa daiyn ekeni kórsetilgen.
QR men BAÁ arasyndaǵy áýe qatynasy salasyndaǵy yntymaqtastyqty odan ári damytý maqsatynda taraptar kórsetilgen reisterdi ashý máselesi boiynsha ózara is-qimyldy úilestirip, júzege asyrýǵa kelisti.
Aita keteiik, «Wizz Air Abu Dhabi» - loýkoster, Abý-Dabi áýejaiynda ornalasqan BAÁ-niń 6-shy ulttyq áýe kompaniiasy. 2020 jylǵy 12 qazanda paidalanýshy sertifikaty berilgen.
Atalǵan áýe kompaniiasy - ADQ (burynǵy Abu Dhabi Development Holding Company) memlekettik kompaniiasymen birlesken kásiporyn. Kompaniia aktsiialardyń 51% ADQ, 49% Wizz Air Holdings-ke tiesili.
Alǵashqy reisin 2021 jyldyń 15 aqpanynda Abý-Dabi-Afina baǵytynda oryndady.
Áýe kompaniiasy 13 baǵyt boiynsha 11 elge halyqaralyq reister oryndaidy: (Afina, Armeniia (Erevan), Bolgariia (Sofiia), Kipr (Larnaka), Egipet (Aleksandriia), Grýziia (Kýtaisi), Gretsiia (Afina), Izrail (Tel-Aviv), Ýkraina (Odessa), Vengriia (Býdapesht), Polsha (Katovitse), Rýmyniia (Býharest).
Búgingi tańda áýe kompaniiasynyń A321 peo úlgisindegi 4 jańa áýe kemesi bar. 2021 jyldyń sońyna qarai óz parkin 30 áýe kemesine deiin ulǵaitý josparlanyp otyr.
