2021 جىلدىڭ 14 ناۋرىزىندا قر يندۋسترييا جەنە ينفراقۇرىلىمدىق دامۋ مينيسترلٸگٸ مەن «Wizz Air Abu Dhabi» ەۋە كومپانيياسى اراسىندا قر مەن باە اراسىندا تۇراقتى رەيستەر اشۋ تۋرالى بٸرلەسكەن مەلٸمدەمەگە قول قويىلدى, دەپ حابارلايدى "ۇلت اقپارات".
اتالىش قۇجاتقا قر پرەمەر-مينيسترٸ اسقار ماميننٸڭ بٸرٸككەن اراب ەمٸرلٸكتەرٸنە جۇمىس ساپارى شەڭبەرٸندە قول قويىلىپ وتىر, دەلٸنگەن قر ينۋدۋسترييا جەنە ينفراقۇرىلىمدىق دامۋ مينيسترلٸگٸنٸڭ باسپاسٶز حابارلاماسىندا.
مەلٸمدەمەدە «Wizz Air Abu Dhabi» ەۋە كومپانيياسىنىڭ 2021 جىلعى مامىر ايىنىڭ ورتاسىنان باستاپ ابۋ-دابي مەن نۇر-سۇلتان جەنە الماتى قالالارى اراسىندا تۇراقتى رەيستەر جاساۋعا دايىن ەكەنٸ كٶرسەتٸلگەن.
قر مەن باە اراسىنداعى ەۋە قاتىناسى سالاسىنداعى ىنتىماقتاستىقتى ودان ەرٸ دامىتۋ ماقساتىندا تاراپتار كٶرسەتٸلگەن رەيستەردٸ اشۋ مەسەلەسٸ بويىنشا ٶزارا ٸس-قيمىلدى ٷيلەستٸرٸپ, جٷزەگە اسىرۋعا كەلٸستٸ.
ايتا كەتەيٸك, «Wizz Air Abu Dhabi» - لوۋكوستەر, ابۋ-دابي ەۋەجايىندا ورنالاسقان باە-نٸڭ 6-شى ۇلتتىق ەۋە كومپانيياسى. 2020 جىلعى 12 قازاندا پايدالانۋشى سەرتيفيكاتى بەرٸلگەن.
اتالعان ەۋە كومپانيياسى - ADQ (بۇرىنعى Abu Dhabi Development Holding Company) مەملەكەتتٸك كومپانيياسىمەن بٸرلەسكەن كەسٸپورىن. كومپانييا اكتسييالاردىڭ 51% ADQ, 49% Wizz Air Holdings-كە تيەسٸلٸ.
العاشقى رەيسٸن 2021 جىلدىڭ 15 اقپانىندا ابۋ-دابي-افينا باعىتىندا ورىندادى.
ەۋە كومپانيياسى 13 باعىت بويىنشا 11 ەلگە حالىقارالىق رەيستەر ورىندايدى: (افينا, ارمەنييا (ەرەۆان), بولگارييا (سوفييا), كيپر (لارناكا), ەگيپەت (الەكساندرييا), گرۋزييا (كۋتايسي), گرەتسييا (افينا), يزرايل (تەل-اۆيۆ), ۋكراينا (ودەسسا), ۆەنگرييا (بۋداپەشت), پولشا (كاتوۆيتسە), رۋمىنييا (بۋحارەست).
بٷگٸنگٸ تاڭدا ەۋە كومپانيياسىنىڭ ا321 پەو ٷلگٸسٸندەگٸ 4 جاڭا ەۋە كەمەسٸ بار. 2021 جىلدىڭ سوڭىنا قاراي ٶز پاركٸن 30 ەۋە كەمەسٸنە دەيٸن ۇلعايتۋ جوسپارلانىپ وتىر.
