Almatyda politseiler páterlerdiń birinde jumys istep turǵan zańsyz vebkam-stýdiiany áshkereledi. Kúdiktilerdiń biri intim sipattaǵy onlain-transliatsiia júrgizip otyrǵan sátte ustalǵan, dep habarlaidy ult.kz.
Politsiianyń málimetinshe, arnaiy operatsiiany Kiberqylmysqa qarsy is-qimyl basqarmasy men Medeý aýdandyq politsiia basqarmasynyń qyzmetkerleri birlesip júrgizgen.
Aldyn ala málimet boiynsha, páter aqyly intim sipattaǵy internet-transliatsiialar ótkizý úshin arnaiy jabdyqtalǵan.
Tintý barysynda tártip saqshylary kompiýterlik tehnika, beinekameralar, transliatsiia jasaýǵa arnalǵan qurylǵylar jáne tergeýge mańyzdy basqa da aiǵaqtardy tárkiledi. Onlain efir júrgizgen qyz ben stýdiia ákimshisi politsiia bólimshesine jetkizildi.
«Atalǵan derek boiynsha qylmystyq is qozǵaldy. Tergeý barysynda zańsyz qyzmettiń barlyq mán-jaiy, sondai-aq vebkam-stýdiiany uiymdastyrýǵa jáne onyń jumysyna qatysy bar basqa da tulǵalar anyqtalýda», – dep habarlady politsiia.
Quqyq qorǵaý organdary internet arqyly jasalǵan zańsyz áreketterdiń barlyǵy tsifrlyq iz qaldyratynyn atap ótti. Sondyqtan mundai quqyqbuzýshylyqtar tergeý barysynda anyqtalyp, kináliler zań aldynda jaýap beretinin eskertti.
