Reseidiń Elektrostal qalasyndaǵy Wildberries qoimasynda bolǵan iri órtten keiin kompaniia zardap shekken satýshylarǵa, onyń ishinde qazaqstandyq kásipkerlerge ótemaqy tóleýdi bastady. Alǵashqy tólemder eń aldymen shaǵyn biznes ókilderine baǵyttalýda, dep habarlaidy ult.kz.
Kompaniianyń málimetinshe, búginde platformada Qazaqstannan tirkelgen 120 myńnan astam satýshy bar. Basymdyq qoldaýdy kóbirek qajet etetin shaǵyn kásipkerlerge berilgen. Mundai satýshylardyń sany 88 myńnan asady.
Wildberries ókilderiniń aitýynsha, ótemaqy qarajaty satýshylardyń jeke balansyna bir táýlik ishinde aýdarylady.
Sonymen qatar kompaniia qoimadan taýarlardy shyǵarý qyzmetiniń jumysy aldaǵy bir táýlikte tolyq qalpyna keletinin habarlady. Qazir negizgi kúsh logistikalyq protsesterdi turaqtandyrýǵa jáne taýarlardy qoimalar arasynda tiimdi qaita bólýge jumyldyrylǵan.
«Bizdiń basty mindetimiz – seriktesterimizge qoldaý kórsetý. Qazir barlyq uiymdastyrý jumystary taýarlardy qoimalar arasynda tiimdi qaita ornalastyrýǵa jáne kásipkerlerdiń turaqty jumysyn qamtamasyz etýge baǵyttalǵan. Sonymen qatar satyp alýshylardyń tapsyrystaryn ýaqytyly jetkizý de negizgi basymdyqtardyń biri bolyp qala beredi», – dep málimdedi kompaniia.
