Foto: Ria Novosti
Qazaqstannyń Syrtqy ister ministrligi Wildberries 30 jylǵa salyqtan bosatýdy talap etkenin málimdedi, - dep habarlaidy Tengrinews.kz portaly.
"Wildberries kompaniiasy - biz olarmen birneshe jyl boiy ártúrli deńgeide kelissóz júrgizip kelemiz. Olar ártúrli oi aitady, biraq sizderge aitarym, eń alǵashqy kelissózderde Wildberries 30 jylǵa salyqtan bosatýdy, sonymen qatar qoimalar salýǵa kómektesýdi surady, árine, biz mundai sharttarǵa kelispedik", - dedi syrtqy ister ministriniń orynbasary Almas Aidarov OKQ-da ótken brifingte.
Onyń aitýynsha, qazaqstandyq tarap elimizdegi barlyq bizneske teń jaǵdai jasaý týraly óz ustanymyn bildirgen.
"Nege sheteldik kompaniiaǵa tegin qoimalar salyp, saýda-sattyqty 30 jylǵa bosatamyz (salyqtan - esk.), tek saýda men qoima, al basqa otandyq kompaniialar she? Sondyqtan Wildberries shaǵyn qoimalarmen, úlken qoimalarsyz jumys isteidi", - dep qosty Aidarov.
