Foto: © RIA Novosti / Natalia Seliverstova
Qarjy vitse-ministri Erjan Birjanov Senatta ótken dóńgelek ústelde elektrondy saýdaǵa salyq salý máselelerin qalai retteýge bolatynyn aitty, dep habarlaidy QazAqparat.
«Elektrondy saýdany ákimshilendirý týraly aitsaq, Wildberries, Kaspi, Ozon siiaqty platformalarmen sóilestik. Olarda resmi tirkelgen 84 myń azamat bar. Olar salyq salý júiesi boiynsha bizge esep bermeidi. Atalmysh platformalar kimniń qansha saýda jasaǵany týraly da derekterdi bermeidi», - dedi ministrdiń orynbasary.
Onyń aitýynsha, ásirese Kaspi Pay quraly boiynsha suraq kóp.
«Biz keri eseppen olardy anyqtap jatyrmyz. Halyq narazylyǵyn bildirýde. Eger osy platformalar arqyly salyq salý júiesin engizsek, búgin jasaǵan saýdańyzdan 0,1 nemese 1 paiyz salyq erteń-aq biýdjetke tolyq kólemde túser edi. Sondyqtan agenttik, operatorlyq júielerdi qoldaný kerek dep oilaimyz», - dedi Erjan Birjanov.
