11 sáýirde WikiLeaks uiymynyń negizin qalaýshy Djýlian Assanjdy britan politsiiasy Londondaǵy Ekvador elshiliginde ustady. Bul týraly beisenbi kúni Skotland-Iardtyń baspasóz qyzmeti málim etken.
«47 jastaǵy Djýlian Assanjdy búgin 11 sáýir, beisenbi kúni London politsiia qyzmetiniń qyzmetkerleri Vestminster magistrattar soty sotqa kelýden bas tartqany úshin 2012 jylǵy 29 maýsymda bergen order negizinde Ekvador elshiliginde ustady», - delingen habarlamada.
Aita keteiik, osydan 7-8 jyl buryn Shvetsiiada oǵan aiyp taǵylyp, AQSh-qa ekstraditsiialaný qaýpi týyndaǵan kezde Assanj ózine Ekvadordyń ýaqytsha baspana bergenin paidalanyp, elshilikti panalaǵan. Sodan beri ol elshilik ǵimaratynda turyp kelgen edi.
Biraq sońǵy kezde Ekvador biligimen qarym-qatynasy nasharlaǵan Assanj eldiń jańa Prezidenti Lenin Morenonyń ózine saiasi baspana berýden bas tartqanyn habarlaǵan. WikiLeaks dereginshe, buǵan Ekvador prezidenti Lenin Morenonyń Panamada tirkelgen ofshor kompaniialarymen bailanysy jaily aqparattyń jariialanýy sebep bolǵan.
Sáýir aiynyń basynda Ekvador biliginiń Ulybritaniiamen Assanjdy berý týraly keliskeni jaily beiresmi aqparat taraǵan.
Skotland-Iard ókilderiniń aitýynsha, politseiler ony qamaýǵa alý týraly sot bergen order aiasynda óz mindettemelerin atqarǵan. Ekvador Assanjǵa pana bolýdan bas tartqan soń, elshi elshilikke politseilerdi shaqyrǵan.
