11 سەۋٸردە WikiLeaks ۇيىمىنىڭ نەگٸزٸن قالاۋشى دجۋليان اسسانجدى بريتان پوليتسيياسى لوندونداعى ەكۆادور ەلشٸلٸگٸندە ۇستادى. بۇل تۋرالى بەيسەنبٸ كٷنٸ سكوتلاند-ياردتىڭ باسپاسٶز قىزمەتٸ مەلٸم ەتكەن.
«47 جاستاعى دجۋليان اسسانجدى بٷگٸن 11 سەۋٸر, بەيسەنبٸ كٷنٸ لوندون پوليتسييا قىزمەتٸنٸڭ قىزمەتكەرلەرٸ ۆەستمينستەر ماگيستراتتار سوتى سوتقا كەلۋدەن باس تارتقانى ٷشٸن 2012 جىلعى 29 ماۋسىمدا بەرگەن وردەر نەگٸزٸندە ەكۆادور ەلشٸلٸگٸندە ۇستادى», - دەلٸنگەن حابارلامادا.
ايتا كەتەيٸك, وسىدان 7-8 جىل بۇرىن شۆەتسييادا وعان ايىپ تاعىلىپ, اقش-قا ەكستراديتسييالانۋ قاۋپٸ تۋىنداعان كەزدە اسسانج ٶزٸنە ەكۆادوردىڭ ۋاقىتشا باسپانا بەرگەنٸن پايدالانىپ, ەلشٸلٸكتٸ پانالاعان. سودان بەرٸ ول ەلشٸلٸك عيماراتىندا تۇرىپ كەلگەن ەدٸ.
بٸراق سوڭعى كەزدە ەكۆادور بيلٸگٸمەن قارىم-قاتىناسى ناشارلاعان اسسانج ەلدٸڭ جاڭا پرەزيدەنتٸ لەنين مورەنونىڭ ٶزٸنە ساياسي باسپانا بەرۋدەن باس تارتقانىن حابارلاعان. WikiLeaks دەرەگٸنشە, بۇعان ەكۆادور پرەزيدەنتٸ لەنين مورەنونىڭ پانامادا تٸركەلگەن وفشور كومپانييالارىمەن بايلانىسى جايلى اقپاراتتىڭ جارييالانۋى سەبەپ بولعان.
سەۋٸر ايىنىڭ باسىندا ەكۆادور بيلٸگٸنٸڭ ۇلىبريتانييامەن اسسانجدى بەرۋ تۋرالى كەلٸسكەنٸ جايلى بەيرەسمي اقپارات تاراعان.
سكوتلاند-يارد ٶكٸلدەرٸنٸڭ ايتۋىنشا, پوليتسەيلەر ونى قاماۋعا الۋ تۋرالى سوت بەرگەن وردەر اياسىندا ٶز مٸندەتتەمەلەرٸن اتقارعان. ەكۆادور اسسانجعا پانا بولۋدان باس تارتقان سوڭ, ەلشٸ ەلشٸلٸككە پوليتسەيلەردٸ شاقىرعان.
