Buryndary demokratiialyq partiia ókilderiniń elektrondy hattarynyń birneshe toptamasyn jariia etken WikiLeaks saity endi Barak Obamaǵa qatysty habarlamalardy jariialady, - dep habarlaidy Lenta.ru.
"WikiLeaks AQSh prezidenti Barak Obamanyń qupiia mekenjai arqyly joldaǵan habarlamalarynyń alǵashqy toptamasyn usynady", - delingen saittyń Twitter jelisindegi jazbasynda.
Jariialymda jalpy jeti hat kórsetilgen. Úsh hat 2008 jyldyń 4 qazanynda Barak Obama prezident bolyp sailanǵan kúni jiberilgen.
Hattardyń kóbi qazir Hillari Klinton shtabynyń basshysy, demokarat Djon Podestanyń atynan joldanǵan. Hattardyń birin joldaǵan Barak Obama bolyp keledi - sailaýǵa deiin birneshe kún qalǵanda jazylǵan habarlamada qoiylǵan suraqtarǵa erteń jaýap beriletini týraly qycqa jaýap bar.
Podestanyń birneshe haty 7 qazanda jariialanǵan. Habarlamalarda iadrolyq energetika, paidaly qazbalardan túsken paidadan Klinton qoryna qaiyrymdylyq qarjysyn quiý týraly jáne birqatarynda Túrkiia, onyń siriialyq qaqtyǵystaǵy múddesi men terrorizmge qarsy kúrestegi róli jaiynda jazylǵan.
