بۇرىندارى دەموكراتييالىق پارتييا ٶكٸلدەرٸنٸڭ ەلەكتروندى حاتتارىنىڭ بٸرنەشە توپتاماسىن جارييا ەتكەن WikiLeaks سايتى ەندٸ باراك وباماعا قاتىستى حابارلامالاردى جارييالادى, - دەپ حابارلايدى Lenta.ru.
"WikiLeaks اقش پرەزيدەنتٸ باراك وبامانىڭ قۇپييا مەكەنجاي ارقىلى جولداعان حابارلامالارىنىڭ العاشقى توپتاماسىن ۇسىنادى", - دەلٸنگەن سايتتىڭ Twitter جەلٸسٸندەگٸ جازباسىندا.
جارييالىمدا جالپى جەتٸ حات كٶرسەتٸلگەن. ٷش حات 2008 جىلدىڭ 4 قازانىندا باراك وباما پرەزيدەنت بولىپ سايلانعان كٷنٸ جٸبەرٸلگەن.
حاتتاردىڭ كٶبٸ قازٸر حيللاري كلينتون شتابىنىڭ باسشىسى, دەموكارات دجون پودەستانىڭ اتىنان جولدانعان. حاتتاردىڭ بٸرٸن جولداعان باراك وباما بولىپ كەلەدٸ - سايلاۋعا دەيٸن بٸرنەشە كٷن قالعاندا جازىلعان حابارلامادا قويىلعان سۇراقتارعا ەرتەڭ جاۋاپ بەرٸلەتٸنٸ تۋرالى قىcقا جاۋاپ بار.
پودەستانىڭ بٸرنەشە حاتى 7 قازاندا جارييالانعان. حابارلامالاردا يادرولىق ەنەرگەتيكا, پايدالى قازبالاردان تٷسكەن پايدادان كلينتون قورىنا قايىرىمدىلىق قارجىسىن قۇيۋ تۋرالى جەنە بٸرقاتارىندا تٷركييا, ونىڭ سيرييالىق قاقتىعىستاعى مٷددەسٸ مەن تەرروريزمگە قارسى كٷرەستەگٸ رٶلٸ جايىندا جازىلعان.
