kollaj: Tengrinews.kz
Búkilálemdik boks uiymy (WBO) álem chempiony Demetriýs Andrade (31-0, 19 KO) jáne Jánibek Álimhanuly (11-0, 7 KO) arasyndaǵy jekpe-jektiń promoýterlik saýdasy ótetinin jariia etti, - dep habarlaidy Tengrinews.kz tilshisi Vesti.kz saityna silteme jasap.
WBO boksshylardyń ókilderine habarlama joldaǵan, ol boiynsha taraptar kemi 200 myń dollar usynyspen boks keshin uiymdastyrý quqy úshin talasa alady. Resmi qujatta saýda sharttary kórsetilgen.
Bul aiqas gonorary shamamen, eki túrli bólinedi - 75 pen 25 nemese 80 men 20. Onyń úlken bóligi chempionǵa tiesili, al azy úmitkerge. Al saýdanyń shamalai ýaqyty - 2022 jyldyń 15 qańtary.
Álimhanuly Twitter-de WBO sheshimine qatysty: "Ońai jumys", - dep jazdy.
Buǵan deiin qazaqstandyq kelesi jekpe-jegi týraly aqparattyń jaqyn arada shyǵatyny týraly habarlaǵan bolatyn. Dúniejúzilik boks uiymy (WBO) Álimhanulyn orta salmaqtaǵy álem chempiony Andrademen judyryqtasýǵa mindetti qarsylas retinde belgiledi.
