كوللاج: Tengrinews.kz
بٷكٸلەلەمدٸك بوكس ۇيىمى (WBO) ەلەم چەمپيونى دەمەتريۋس اندرادە (31-0, 19 كو) جەنە جەنٸبەك ەلٸمحانۇلى (11-0, 7 كو) اراسىنداعى جەكپە-جەكتٸڭ پروموۋتەرلٸك ساۋداسى ٶتەتٸنٸن جارييا ەتتٸ, - دەپ حابارلايدى Tengrinews.kz تٸلشٸسٸ Vesti.kz سايتىنا سٸلتەمە جاساپ.
WBO بوكسشىلاردىڭ ٶكٸلدەرٸنە حابارلاما جولداعان, ول بويىنشا تاراپتار كەمٸ 200 مىڭ دوللار ۇسىنىسپەن بوكس كەشٸن ۇيىمداستىرۋ قۇقى ٷشٸن تالاسا الادى. رەسمي قۇجاتتا ساۋدا شارتتارى كٶرسەتٸلگەن.
بۇل ايقاس گونورارى شامامەن, ەكٸ تٷرلٸ بٶلٸنەدٸ - 75 پەن 25 نەمەسە 80 مەن 20. ونىڭ ٷلكەن بٶلٸگٸ چەمپيونعا تيەسٸلٸ, ال ازى ٷمٸتكەرگە. ال ساۋدانىڭ شامالاي ۋاقىتى - 2022 جىلدىڭ 15 قاڭتارى.
ەلٸمحانۇلى Twitter-دە WBO شەشٸمٸنە قاتىستى: "وڭاي جۇمىس", - دەپ جازدى.
بۇعان دەيٸن قازاقستاندىق كەلەسٸ جەكپە-جەگٸ تۋرالى اقپاراتتىڭ جاقىن ارادا شىعاتىنى تۋرالى حابارلاعان بولاتىن. دٷنيەجٷزٸلٸك بوكس ۇيىمى (WBO) ەلٸمحانۇلىن ورتا سالماقتاعى ەلەم چەمپيونى اندرادەمەن جۇدىرىقتاسۋعا مٸندەتتٸ قارسىلاس رەتٸندە بەلگٸلەدٸ.
