Otandyq kásipqoi boksshy Gennadii Golovkin men Qazaqstan Týy WBC belbeýine beinelenedi.
Mundai ózgerister Gennadii Golovkinniń álemdik sport qaýymdastyǵyndaǵy orny men oǵan degen syi-qurmettiń belgisi bolyp tabylady.
Búkilálemdik boks keńesiniń (WBC) jasyl-altyn tústes beldigi sońǵy 37 jylda birqatar ózgeriske ushyrady. Sońǵy ózgeris - oǵan Qazaqstannyń kók týynyń enýi, dep habarlaidy akboxing.ru.
WBC belbeýinde boks tarihyndaǵy eń úzdik ári eń myqtylar beinelenip keledi. Olardyń qatarynda Muhammed Ali, Maik Taison, Lennoks Liýis, Rei Leonard, Roberto Diýran, Hýlio Sezar Chaves, Larri Holms, Vitalii Klichko, Marvin Hagler, Tommi Herns, Oskar de La Hoiia jáne Floid Meivezer bar.
Endigide, óz halqynyń abyroiyn asqaqtatqan Gennadii Golovkinge qurmet retinde elimizdiń jalaýymen birge onyń beinesi álem myqtylarynyń belbeýinde kórinis tabatyn bolady.
Eske sala keteiik, 18 naýryz kúni Gennadii Golovkin óz titýlyn qorǵaý úshin amerikalyq Deniel Djeikobspen judyryqtasady.
Aiqas Niý-Iorktiń Medison Skver Garden arenasynda ótedi.
Jekpe-jek qazaqstandyq telearnalardan 19 naýryz kúni tańerteńgi saǵat 08.00-de tikelei efirden kórsetiledi.
