Foto: Kazahstanskoi federatsii taekvondo (WTF)
Qazaqstandaǵy eń bai kásipker Viacheslav Kim óz investitsiialyq portfelin keńeitýdi jalǵastyrýda. Kaspi.kz kompaniiasynyń quryltaishysy jáne Alatau City Bank iesi Kcell kompaniiasynyń iri úlesin satyp aldy, dep habarlaidy Ult.kz.
2025 jyldyń 6 qazanynda Kim Ǵalymjan Esenovke tiesili KC Holding Ltd kompaniiasyn tolyq ieligine aldy. Bul kompaniia Kcell aktsionerlik qoǵamynyń 14,87% aktsiiasyna ielik etedi. Osy mámileden keiin Viacheslav Kim KC Holding Ltd-niń jalǵyz aktsioneri atandy.
KASE birjasynyń derekteri boiynsha, 2025 jyldyń 1 shildesindegi jaǵdaiǵa sáikes, KC Holding Ltd kompaniiasy Kcell-diń 29,7 million qarapaiym aktsiiasyna ie bolǵan, bul jalpy aktsiialardyń 14,9%-yn quraidy. Buǵan qosa, Kim Alatau City Bank arqyly Kcell-diń taǵy 9%-yna, iaǵni 18,2 million aktsiiaǵa ielik etedi. Osylaisha, qazirgi tańda kásipkerdiń ieliginde Kcell kompaniiasynyń shamamen 24% aktsiiasy bar.
Aita keteiik, bul aktivter buǵan deiin kásipker Ǵalymjan Esenovke tiesili bolǵan. Ol 2023 jyldyń shildesinde atalǵan úlesti liýksembýrgtik Pioneer Technologies S.A.R.L. kompaniiasynan satyp alǵan bolatyn. 2024 jyldyń qyrkúieginde bul úlesti ózi qurǵan jáne Astana halyqaralyq qarjy ortalyǵynda tirkelgen KC Holding Ltd kompaniiasynyń atyna rásimdedi.
Eske sala keteiik, 2024 jyldyń qyrkúieginde Bloomberg agenttigi Viacheslav Kimniń Jusan Bank-ti satyp alýǵa nietti ekenin habarlaǵan. Sol ýaqytta Kimniń banktiń 99,74% aktsiiasyn ielenetini jóninde aqparat taraǵan. Sonymen qatar, Kim men Kaspi.kz kompaniiasynyń ekinshi quryltaishysy Mihail Lomtadze eldegi sý tasqynynan zardap shekkenderge 20 milliard teńge kóleminde kómek bóletinderin málimdegen.
