فوتو: كازاحستانسكوي فەدەراتسيي تاەكۆوندو (WTF)
قازاقستانداعى ەڭ باي كەسٸپكەر ۆياچەسلاۆ كيم ٶز ينۆەستيتسييالىق پورتفەلٸن كەڭەيتۋدٸ جالعاستىرۋدا. Kaspi.kz كومپانيياسىنىڭ قۇرىلتايشىسى جەنە Alatau City Bank يەسٸ Kcell كومپانيياسىنىڭ ٸرٸ ٷلەسٸن ساتىپ الدى, دەپ حابارلايدى Ult.kz.
2025 جىلدىڭ 6 قازانىندا كيم عالىمجان ەسەنوۆكە تيەسٸلٸ KC Holding Ltd كومپانيياسىن تولىق يەلٸگٸنە الدى. بۇل كومپانييا Kcell اكتسيونەرلٸك قوعامىنىڭ 14,87% اكتسيياسىنا يەلٸك ەتەدٸ. وسى مەمٸلەدەن كەيٸن ۆياچەسلاۆ كيم KC Holding Ltd-نٸڭ جالعىز اكتسيونەرٸ اتاندى.
KASE بيرجاسىنىڭ دەرەكتەرٸ بويىنشا, 2025 جىلدىڭ 1 شٸلدەسٸندەگٸ جاعدايعا سەيكەس, KC Holding Ltd كومپانيياسى Kcell-دٸڭ 29,7 ميلليون قاراپايىم اكتسيياسىنا يە بولعان, بۇل جالپى اكتسييالاردىڭ 14,9%-ىن قۇرايدى. بۇعان قوسا, كيم Alatau City Bank ارقىلى Kcell-دٸڭ تاعى 9%-ىنا, ياعني 18,2 ميلليون اكتسيياعا يەلٸك ەتەدٸ. وسىلايشا, قازٸرگٸ تاڭدا كەسٸپكەردٸڭ يەلٸگٸندە Kcell كومپانيياسىنىڭ شامامەن 24% اكتسيياسى بار.
ايتا كەتەيٸك, بۇل اكتيۆتەر بۇعان دەيٸن كەسٸپكەر عالىمجان ەسەنوۆكە تيەسٸلٸ بولعان. ول 2023 جىلدىڭ شٸلدەسٸندە اتالعان ٷلەستٸ ليۋكسەمبۋرگتٸك Pioneer Technologies S.A.R.L. كومپانيياسىنان ساتىپ العان بولاتىن. 2024 جىلدىڭ قىركٷيەگٸندە بۇل ٷلەستٸ ٶزٸ قۇرعان جەنە استانا حالىقارالىق قارجى ورتالىعىندا تٸركەلگەن KC Holding Ltd كومپانيياسىنىڭ اتىنا رەسٸمدەدٸ.
ەسكە سالا كەتەيٸك, 2024 جىلدىڭ قىركٷيەگٸندە Bloomberg اگەنتتٸگٸ ۆياچەسلاۆ كيمنٸڭ Jusan Bank-تٸ ساتىپ الۋعا نيەتتٸ ەكەنٸن حابارلاعان. سول ۋاقىتتا كيمنٸڭ بانكتٸڭ 99,74% اكتسيياسىن يەلەنەتٸنٸ جٶنٸندە اقپارات تاراعان. سونىمەن قاتار, كيم مەن Kaspi.kz كومپانيياسىنىڭ ەكٸنشٸ قۇرىلتايشىسى ميحايل لومتادزە ەلدەگٸ سۋ تاسقىنىنان زارداپ شەككەندەرگە 20 ميلليارد تەڭگە كٶلەمٸندە كٶمەك بٶلەتٸندەرٸن مەلٸمدەگەن.
