Volonterler arasynda koronavirýs infektsiiasyn juqtyrǵan azamattar boldy ma? Bul suraqqa «Ulttyq volonterler jelisi» ZTB tóraǵasy Vera Kim jaýap berdi, dep habarlaidy QazAqparat.
«Tótenshe jaǵdai kezinde barlyq is-shara qajetti qaýipsizdik talaptaryn eskere otyryp júrgizildi. Qazir birjaqty aitý qiyn. Bizdiń komandada jumys istegen eriktilerdiń eshqaisysy aýyrmady. Biraq, bizdiń dostarymyzdyń, seriktes uiymdardyń arasynda koronavirýs infektsiiasyn juqtyrǵan volonterlerdiń bar ekenin bilemin. Biraq olar erikti qyzmetin kórsetý kezinde infektsiia juqtyrdy ma, joq pa - aitý qiyn. Áitse de, volonterlerdiń shynymen de virýs juqtyrǵany rastalǵan», - dedi Vera Kim OKQ onlain baspasóz máslihatynda.
«Ulttyq volonterler jelisi» ZTB tóraǵasy birlestiktiń 2010 jyly qurylǵanyn aitady. Jeli 80-ge tarta volonterlik uiymnyń basyn biriktiredi.
«Tótenshe jaǵdai jariialanǵan kezde biz Qazaqstandaǵy barlyq volonterlerdiń bastamalaryn biriktirip, senim telefonyn ashtyq. Turǵyndardyń muqtajdyǵy men talaptaryn bilý úshin senim telefony jumysyn bastady. Osy ýaqyt ishinde bizdiń volonterler turǵyndardan túsken qońyraýlar boiynsha jumys júrgizdi. Bizdiń senim telefonymyzǵa kóp adam eriktiler qataryna qosylý týraly ótinishpen habarlasyp jatty», - dep tolyqtyrdy V. Kim.
