ۆولونتەرلەر اراسىندا كوروناۆيرۋس ينفەكتسيياسىن جۇقتىرعان ازاماتتار بولدى ما? بۇل سۇراققا «ۇلتتىق ۆولونتەرلەر جەلٸسٸ» زتب تٶراعاسى ۆەرا كيم جاۋاپ بەردٸ, دەپ حابارلايدى قازاقپارات.
«تٶتەنشە جاعداي كەزٸندە بارلىق ٸس-شارا قاجەتتٸ قاۋٸپسٸزدٸك تالاپتارىن ەسكەرە وتىرىپ جٷرگٸزٸلدٸ. قازٸر بٸرجاقتى ايتۋ قيىن. بٸزدٸڭ كوماندادا جۇمىس ٸستەگەن ەرٸكتٸلەردٸڭ ەشقايسىسى اۋىرمادى. بٸراق, بٸزدٸڭ دوستارىمىزدىڭ, سەرٸكتەس ۇيىمداردىڭ اراسىندا كوروناۆيرۋس ينفەكتسيياسىن جۇقتىرعان ۆولونتەرلەردٸڭ بار ەكەنٸن بٸلەمٸن. بٸراق ولار ەرٸكتٸ قىزمەتٸن كٶرسەتۋ كەزٸندە ينفەكتسييا جۇقتىردى ما, جوق پا - ايتۋ قيىن. ەيتسە دە, ۆولونتەرلەردٸڭ شىنىمەن دە ۆيرۋس جۇقتىرعانى راستالعان», - دەدٸ ۆەرا كيم وكق ونلاين باسپاسٶز مەسليحاتىندا.
«ۇلتتىق ۆولونتەرلەر جەلٸسٸ» زتب تٶراعاسى بٸرلەستٸكتٸڭ 2010 جىلى قۇرىلعانىن ايتادى. جەلٸ 80-گە تارتا ۆولونتەرلٸك ۇيىمنىڭ باسىن بٸرٸكتٸرەدٸ.
«تٶتەنشە جاعداي جارييالانعان كەزدە بٸز قازاقستانداعى بارلىق ۆولونتەرلەردٸڭ باستامالارىن بٸرٸكتٸرٸپ, سەنٸم تەلەفونىن اشتىق. تۇرعىنداردىڭ مۇقتاجدىعى مەن تالاپتارىن بٸلۋ ٷشٸن سەنٸم تەلەفونى جۇمىسىن باستادى. وسى ۋاقىت ٸشٸندە بٸزدٸڭ ۆولونتەرلەر تۇرعىنداردان تٷسكەن قوڭىراۋلار بويىنشا جۇمىس جٷرگٸزدٸ. بٸزدٸڭ سەنٸم تەلەفونىمىزعا كٶپ ادام ەرٸكتٸلەر قاتارىنا قوسىلۋ تۋرالى ٶتٸنٸشپەن حابارلاسىپ جاتتى», - دەپ تولىقتىردى ۆ. كيم.
