Foto: Kazakh Tourism
Qazaqstanda Dimash Qudaibergenniń bastamasymen jáne QHR-dyń Hunan Broadcasting System birlese júzege asyryǵan halyqaralyq «Voice Beyond Horizon» jobasynyń negizgi lokatsiialary boiynsha týristik marshrýt qurylady, dep habarlaidy Ult.kz.
Baspasóz máslihatyna QR Prezidentiniń keńesshisi Ásel Janasova, Qazaqstannyń halyq ártisi Dimash Qudaibergen, QR Týrizm jáne sport vitse-ministri Baýyrjan Rapikov, «Kazakh Tourism» UK» AQ basqarma tóraǵasynyń mindetin atqarýshy Daniel Serjanuly, «Qazaqstan» RTRK» AQ basqarma tóraǵasy Ernur Býrahan, Hunan TV arnasynyń «Voice Beyond Horizon» jobasynyń atqarýshy prodiýseri Van Chin, jobanyń prodiýseri ári bas rejisseri Lýo Sinsin qatysty.
Ásel Janasova bul joba Qazaqstan men Qytai arasyndaǵy yntymaqtastyqtyń jańa paraǵyn ashatynyn jáne týrizm salasynda erekshe mańyzǵa ie ekendigin atap ótti. Ol Qazaqstandy shetelde dáripteýdegi baǵa jetpes úlesi úshin Dimashqa alǵys bildirdi.
Joba Qazaqstannyń 6 óńirin qamtydy: Túrkistan, Mańǵystaý, Almaty jáne Aqmola oblystary, sondai-aq Almaty men Astana qalalary. Oǵan Qazaqstan, Qytai, Qyrǵyzstan, Italiia, Malaiziia jáne Serbiia ónerpazdary qatysty.
"Osy joba aiasynda kóptegen qundy dúnieler mádeniet jáne týrizmdi damytý turǵysynan atqaryldy dep oilaimyn. Baiqaýda qatysýshylardyń vokaldyq múmkindikterine ǵana den qoiylmai, elimizdiń kórnekti jerlerin kórsettik. Týrizm damysa, ekonomikamyzǵa úlken septigin tigizedi degen niet", - dep atap ótti Dimash Kudaibergen.
Foto: Kazakh Tourism
Oryndaýshylar poiyz arqyly elimizdi aralap, týristik oryndarmen keńinen tanysty. Túsirilimder Karavansaray kesheninde, Kaspii teńizi jaǵalaýynda, Bozjyra shatqalynda, Kóbeituz jáne Qaiyńdy kólderinde, Saty aýylynda, Qapshaǵai sý qoimasynda jáne Shýchinsk-Býrabai kýrorttyq aimaǵynda ótti.
Baspasóz máslihatynda Daniel Serjanuly Qytai týristeriniń elimizge degen qyzyǵýshylyǵy artqanyn atap ótti. QHR iri izdeý júiesi Baidu derekterine sáikes, 2025 jylǵy qyrkúiekte Qazaqstan jaily izdenister sany táýligine orta eseppen 420–430 myńdy quraǵan. Eń joǵary belsendilik Gýandýn men Chjetszian provintsiialarynda, Beijiń qalasynda, Shyńjań-Uiǵyr avtonomiialyq aýdanynda jáne Shandýn provintsiiasynda baiqaldy.
«Bul Qazaqstannyń týristik áleýetine degen qyzyǵýshylyq shekara mańyndaǵy aýmaqtarmen shektelmei, Qytaidyń ekonomikalyq turǵydan damyǵan óńirlerin de qamtyǵanyn kórsetedi. Jańa «Voice Beyond Horizon» jobasy elimizdiń týrizmin milliondaǵan aýditoriiaǵa odan ári tanystyrady. Biz osy jobanyń negizgi túsirilim oryndary boiynsha týristik marshrýt qurýdy josparlap otyrmyz. Bul jobanyń túsirilim jumystaryna belsendi qoldaý kórsetken 6 óńirdiń ákimdikterine jáne Qazaqstannyń sulýlyǵyn álemge tanytqan aýqymdy jumys úshin Hunan Broadcasting System-ge alǵys bildiremin», – dedi «Kazakh Tourism» UK» AQ Basqarma tóraǵasynyń mindetin atqarýshy Daniel Serjanuly.
Qatysýshylardyń ónerin arnaiy shaqyrylǵan halyqaralyq qazylar men kórermender baǵalady. Eki márte «Gremmi» syilyǵynyń iegeri Ýolter Afanasev joba aiasynda Túrkistanda boldy.
«Sońǵy 22 kún ishinde Qazaqstannyń ártúrli memlekettik qurylymdarynyń jan-jaqty qoldaýynyń arqasynda túsirilim tobymyz myńdaǵan shaqyrymdy artta qaldyryp, kórikti qalalarǵa bardy: kóne Túrkistannyń tarihi únin estidik, Kaspii jaǵalaýyndaǵy Aqtaýdyń kórkem kórinisterinen shabyt aldyq, «alma qalasy» atanǵan Almatynyń jylýlyǵyn sezindik jáne fýtýristik Astananyń qarqyndy damýyn kórdik. Biz baǵa jetpes kadrlardy taspalap, qonaqjai jerdiń tórinen júrekke jeter mýzykalyq iz qaldyrdyq», – dedi Hunan TV arnasynyń «Voice Beyond Horizon» baǵdarlamasynyń prodiýseri jáne bas rejisseri Lýo Sinsin.
Joba kórsetilimi aýditoriiasy 210 millionnan astam kórermenge jetetin Hunan TV telearnasy men Mango TV tsifrlyq platformasynda jáne "Qazaqstan" korporatsiiasynyń resýrstarynda josparlanǵan.
