فوتو: Kazakh Tourism
قازاقستاندا ديماش قۇدايبەرگەننٸڭ باستاماسىمەن جەنە قحر-دىڭ Hunan Broadcasting System بٸرلەسە جٷزەگە اسىرىعان حالىقارالىق «Voice Beyond Horizon» جوباسىنىڭ نەگٸزگٸ لوكاتسييالارى بويىنشا تۋريستٸك مارشرۋت قۇرىلادى, دەپ حابارلايدى Ult.kz.
باسپاسٶز مەسليحاتىنا قر پرەزيدەنتٸنٸڭ كەڭەسشٸسٸ ەسەل جاناسوۆا, قازاقستاننىڭ حالىق ەرتٸسٸ ديماش قۇدايبەرگەن, قر تۋريزم جەنە سپورت ۆيتسە-مينيسترٸ باۋىرجان راپيكوۆ, «Kazakh Tourism» ۇك» اق باسقارما تٶراعاسىنىڭ مٸندەتٸن اتقارۋشى دانيەل سەرجانۇلى, «Qazaqstan» رترك» اق باسقارما تٶراعاسى ەرنۇر بۋراحان, Hunan TV ارناسىنىڭ «Voice Beyond Horizon» جوباسىنىڭ اتقارۋشى پروديۋسەرٸ ۆان چين, جوبانىڭ پروديۋسەرٸ ەرٸ باس رەجيسسەرٸ لۋو سينسين قاتىستى.
ەسەل جاناسوۆا بۇل جوبا قازاقستان مەن قىتاي اراسىنداعى ىنتىماقتاستىقتىڭ جاڭا پاراعىن اشاتىنىن جەنە تۋريزم سالاسىندا ەرەكشە ماڭىزعا يە ەكەندٸگٸن اتاپ ٶتتٸ. ول قازاقستاندى شەتەلدە دەرٸپتەۋدەگٸ باعا جەتپەس ٷلەسٸ ٷشٸن ديماشقا العىس بٸلدٸردٸ.
جوبا قازاقستاننىڭ 6 ٶڭٸرٸن قامتىدى: تٷركٸستان, ماڭعىستاۋ, الماتى جەنە اقمولا وبلىستارى, سونداي-اق الماتى مەن استانا قالالارى. وعان قازاقستان, قىتاي, قىرعىزستان, يتالييا, مالايزييا جەنە سەربييا ٶنەرپازدارى قاتىستى.
"وسى جوبا اياسىندا كٶپتەگەن قۇندى دٷنيەلەر مەدەنيەت جەنە تۋريزمدٸ دامىتۋ تۇرعىسىنان اتقارىلدى دەپ ويلايمىن. بايقاۋدا قاتىسۋشىلاردىڭ ۆوكالدىق مٷمكٸندٸكتەرٸنە عانا دەن قويىلماي, ەلٸمٸزدٸڭ كٶرنەكتٸ جەرلەرٸن كٶرسەتتٸك. تۋريزم دامىسا, ەكونوميكامىزعا ٷلكەن سەپتٸگٸن تيگٸزەدٸ دەگەن نيەت", - دەپ اتاپ ٶتتٸ ديماش كۇدايبەرگەن.
فوتو: Kazakh Tourism
ورىنداۋشىلار پويىز ارقىلى ەلٸمٸزدٸ ارالاپ, تۋريستٸك ورىندارمەن كەڭٸنەن تانىستى. تٷسٸرٸلٸمدەر Karavansaray كەشەنٸندە, كاسپيي تەڭٸزٸ جاعالاۋىندا, بوزجىرا شاتقالىندا, كٶبەيتۇز جەنە قايىڭدى كٶلدەرٸندە, ساتى اۋىلىندا, قاپشاعاي سۋ قويماسىندا جەنە ششۋچينسك-بۋراباي كۋرورتتىق ايماعىندا ٶتتٸ.
باسپاسٶز مەسليحاتىندا دانيەل سەرجانۇلى قىتاي تۋريستەرٸنٸڭ ەلٸمٸزگە دەگەن قىزىعۋشىلىعى ارتقانىن اتاپ ٶتتٸ. قحر ٸرٸ ٸزدەۋ جٷيەسٸ Baidu دەرەكتەرٸنە سەيكەس, 2025 جىلعى قىركٷيەكتە قازاقستان جايلى ٸزدەنٸستەر سانى تەۋلٸگٸنە ورتا ەسەپپەن 420–430 مىڭدى قۇراعان. ەڭ جوعارى بەلسەندٸلٸك گۋاندۋن مەن چجەتسزيان پروۆينتسييالارىندا, بەيجٸڭ قالاسىندا, شىڭجاڭ-ۇيعىر اۆتونومييالىق اۋدانىندا جەنە شاندۋن پروۆينتسيياسىندا بايقالدى.
«بۇل قازاقستاننىڭ تۋريستٸك ەلەۋەتٸنە دەگەن قىزىعۋشىلىق شەكارا ماڭىنداعى اۋماقتارمەن شەكتەلمەي, قىتايدىڭ ەكونوميكالىق تۇرعىدان دامىعان ٶڭٸرلەرٸن دە قامتىعانىن كٶرسەتەدٸ. جاڭا «Voice Beyond Horizon» جوباسى ەلٸمٸزدٸڭ تۋريزمٸن ميلليونداعان اۋديتوريياعا ودان ەرٸ تانىستىرادى. بٸز وسى جوبانىڭ نەگٸزگٸ تٷسٸرٸلٸم ورىندارى بويىنشا تۋريستٸك مارشرۋت قۇرۋدى جوسپارلاپ وتىرمىز. بۇل جوبانىڭ تٷسٸرٸلٸم جۇمىستارىنا بەلسەندٸ قولداۋ كٶرسەتكەن 6 ٶڭٸردٸڭ ەكٸمدٸكتەرٸنە جەنە قازاقستاننىڭ سۇلۋلىعىن ەلەمگە تانىتقان اۋقىمدى جۇمىس ٷشٸن Hunan Broadcasting System-گە العىس بٸلدٸرەمٸن», – دەدٸ «Kazakh Tourism» ۇك» اق باسقارما تٶراعاسىنىڭ مٸندەتٸن اتقارۋشى دانيەل سەرجانۇلى.
قاتىسۋشىلاردىڭ ٶنەرٸن ارنايى شاقىرىلعان حالىقارالىق قازىلار مەن كٶرەرمەندەر باعالادى. ەكٸ مەرتە «گرەممي» سىيلىعىنىڭ يەگەرٸ ۋولتەر افاناسەۆ جوبا اياسىندا تٷركٸستاندا بولدى.
«سوڭعى 22 كٷن ٸشٸندە قازاقستاننىڭ ەرتٷرلٸ مەملەكەتتٸك قۇرىلىمدارىنىڭ جان-جاقتى قولداۋىنىڭ ارقاسىندا تٷسٸرٸلٸم توبىمىز مىڭداعان شاقىرىمدى ارتتا قالدىرىپ, كٶرٸكتٸ قالالارعا باردى: كٶنە تٷركٸستاننىڭ تاريحي ٷنٸن ەستٸدٸك, كاسپيي جاعالاۋىنداعى اقتاۋدىڭ كٶركەم كٶرٸنٸستەرٸنەن شابىت الدىق, «الما قالاسى» اتانعان الماتىنىڭ جىلۋلىعىن سەزٸندٸك جەنە فۋتۋريستٸك استانانىڭ قارقىندى دامۋىن كٶردٸك. بٸز باعا جەتپەس كادرلاردى تاسپالاپ, قوناقجاي جەردٸڭ تٶرٸنەن جٷرەككە جەتەر مۋزىكالىق ٸز قالدىردىق», – دەدٸ Hunan TV ارناسىنىڭ «Voice Beyond Horizon» باعدارلاماسىنىڭ پروديۋسەرٸ جەنە باس رەجيسسەرٸ لۋو سينسين.
جوبا كٶرسەتٸلٸمٸ اۋديتوريياسى 210 ميلليوننان استام كٶرەرمەنگە جەتەتٸن Hunan TV تەلەارناسى مەن Mango TV تسيفرلىق پلاتفورماسىندا جەنە "قازاقستان" كورپوراتسيياسىنىڭ رەسۋرستارىندا جوسپارلانعان.
