تانىمال ەنشٸ قايرات نۇرتاس شىمكەنتتەگٸ كونتسەرتتە بولعان جاعدايدى سىناعان بلوگەرگە جاۋاپ بەردٸ, دەپ حابارلايدى ult.kz.
بۇعان دەيٸن aigalium ەسٸمدٸ بلوگەر ەلەۋمەتتٸك جەلٸدە ەنشٸنٸڭ كونتسەرتٸنە بارعانىن ايتىپ, كٶرەرمەندەردٸڭ ەرەكەتٸنە نارازىلىق بٸلدٸرگەن. ونىڭ سٶزٸنشە, كونتسەرت كەزٸندە جۇرت اراسىندا يتەرٸسۋ بولىپ, كەيبٸر ادامدار بٸر-بٸرٸنە ايقايلاپ, شاشتان تارتقان. تٸپتٸ, جينالعاندار بٸرٸن-بٸرٸ تاپتاپ كەتە جازداعان. بلوگەر كونتسەرتتە ادام قازا تاپتى دەگەن اقپاراتتىڭ جالعان ەكەنٸن اتاپ ٶتكەن. الايدا ونىڭ مەلٸمدەۋٸنشە, بٸرنەشە كٶرەرمەن مەديتسينالىق كٶمەككە جٷگٸنگەن, ال 18 جاستاعى قىز اۋرۋحانادا قالعان.
سونداي-اق ول جۇرتتى بوس ۋاقىتىن كٸتاپ وقۋعا, بٸلٸم الۋعا, سپورتپەن اينالىسۋعا جەنە تەاترعا بارۋعا ارناۋعا شاقىرعان.
بۇل جازباعا قايرات نۇرتاس پٸكٸر بٸلدٸرٸپ, بلوگەردٸڭ سٶزٸن تىم قاتتى دەپ باعالادى.
«قاتتى ايتتىڭ. وندا شەتەلدٸك ەنشٸلەردٸڭ كونتسەرتٸنە بارا بەرٸڭدەر», – دەپ جازدى ەنشٸ.
ايتا كەتەيٸك, بۇعان دەيٸن شىمكەنت پوليتسيياسى ەنشٸنٸڭ كونتسەرتٸنە قاتىستى جالعان اقپارات تاراتتى دەگەن كٷدٸككە ٸلٸنگەن ەيەلدٸڭ انىقتالعانىن حابارلاعان. اتالعان ٸس بويىنشا ماتەريالدار سوتقا جولدانعان.
