Almatyda birneshe problemalyq turǵyn úi kesheniniń úleskerlerine keltirilgen shyǵyndy óteý jáne qurylysty jalǵastyrý máselesi sheshilip jatyr. Monblanc turǵyn úi kesheniniń qurylysyn jalǵastyrýǵa investor tabyldy, dep habarlaidy ult.kz.
Almaty ákimi Darhan Satybaldynyń tapsyrmasymen qurylǵan vedomstvoaralyq komissiia úleskerlerdiń múddesin qorǵaý baǵytynda jumys júrgizip jatyr.
Atap aitqanda, Esentai City turǵyn úi kesheniniń jyljymaityn múlkine salynǵan tyiymdy alyp tastaý jáne qurylysty jalǵastyrý máselesi sheshilgen. Al «Dostar Deliýks» turǵyn úi kesheniniń úleskerlerine keltirilgen shyǵyndy óteý tetigi menshik ieleriniń bastamashyl tobyna usynylǵan.
Monblanc turǵyn úi kesheniniń qurylysyn jalǵastyrýǵa nietti investor tabyldy. Ol jer telimin satyp alyp, úleskerlerdiń shyǵynyn óteýge daiyn. Qazir investor men úleskerler arasynda tiisti kelisim ázirlenip jatyr.
Al zańsyz salynǵan Pine Hill jáne Sky Club turǵyn úi keshenderiniń qurylys salýshylaryna qatysty qylmystyq ister tergelip jatyr. Komissiia investormen kelisimge kelgen. Jer telimderine salynǵan tyiym alynyp, joǵalǵan qujattar qalpyna keltirilgennen keiin ýchaskeler investorǵa beriledi. Ol óz kezeginde úleskerler aldyndaǵy bereshekti óteý mindettemesin moinyna alady.
Qazir komissiia Shveitsariia, Silver Hills jáne basqa da problemalyq turǵyn úi keshenderiniń úleskerlerine qatysty máselelerdi sheshý joldaryn qarastyryp jatyr. Bul nysandar boiynsha qylmystyq isterdi tergeýdiń aiaqtalýy kútilýde.
Almaty ákimdigi turǵyndarǵa bastapqy naryqtan jyljymaityn múlik satyp almas buryn qurylys salýshynyń barlyq qajetti qujaty bar ekenine kóz jetkizýdi eskertti.
Sondai-aq turǵyn úi nysanynyń mártebesin Qala qurylysyn baqylaý basqarmasynyń +7 705 89 66 000 nómirindegi anyqtamalyq WhatsApp arnasy arqyly tekserýge bolady. Arna dúisenbi-juma kúnderi saǵat 09:00-den 18:00-ge deiin jumys isteidi.
