Dúisenbi, 20 mamyrda Vladimir Zelenskii Ýkraina Prezidenti qyzmetine kiristi. Jańadan sailanǵan memleket basshysy Joǵarǵy Radanyń saltanatty jinalysynda ant qabyldady.
Halyqtyń erkimen sailanǵan Prezident Vladimir Zelenskii Ýkrainaǵa adal bolýǵa, azamattardyń quqyqtary men bostandyqtaryn qorǵaýǵa, Ýkrainanyń Konstitýtsiiasy men zańdaryn saqtaýǵa, Ýkrainanyń álemdegi bedelin kóterýge saltanatty túrde ant berdi.
Zelenskii tiisti qujatqa qol qoiyp, ony Konstitýtsiialyq sottyń basshysyna tapsyrdy. Osydan keiin Vladimir Zelenskii memleket basshysy biliginiń resmi simvoldaryn aldy.
Ýkrainanyń burynǵy tórt prezidenti Leonid Kravchýk, Leonid Kýchma, Viktor Iýshenko jáne Petr Poroshenko Joǵarǵy Radanyń saltanatty otyrysyna qatysty.
Ulyqtaý rásimine sondai-aq qurmetti qonaqtar, atap aitqanda, Latviia, Litva, Estoniia, Grýziia jáne Vengriia basshylary, AQSh-tyń energetika ministri jáne Kanadanyń qorǵanys ministri keldi. Qazaqstan delegatsiiasyn Parlament Senaty tóraǵasynyń orynbasary Bektas Beknazarov bastap bardy.
