دٷيسەنبٸ, 20 مامىردا ۆلاديمير زەلەنسكيي ۋكراينا پرەزيدەنتٸ قىزمەتٸنە كٸرٸستٸ. جاڭادان سايلانعان مەملەكەت باسشىسى جوعارعى رادانىڭ سالتاناتتى جينالىسىندا انت قابىلدادى.
حالىقتىڭ ەركٸمەن سايلانعان پرەزيدەنت ۆلاديمير زەلەنسكيي ۋكرايناعا ادال بولۋعا, ازاماتتاردىڭ قۇقىقتارى مەن بوستاندىقتارىن قورعاۋعا, ۋكراينانىڭ كونستيتۋتسيياسى مەن زاڭدارىن ساقتاۋعا, ۋكراينانىڭ ەلەمدەگٸ بەدەلٸن كٶتەرۋگە سالتاناتتى تٷردە انت بەردٸ.
زەلەنسكيي تيٸستٸ قۇجاتقا قول قويىپ, ونى كونستيتۋتسييالىق سوتتىڭ باسشىسىنا تاپسىردى. وسىدان كەيٸن ۆلاديمير زەلەنسكيي مەملەكەت باسشىسى بيلٸگٸنٸڭ رەسمي سيمۆولدارىن الدى.
ۋكراينانىڭ بۇرىنعى تٶرت پرەزيدەنتٸ لەونيد كراۆچۋك, لەونيد كۋچما, ۆيكتور يۋششەنكو جەنە پەتر پوروشەنكو جوعارعى رادانىڭ سالتاناتتى وتىرىسىنا قاتىستى.
ۇلىقتاۋ رەسٸمٸنە سونداي-اق قۇرمەتتٸ قوناقتار, اتاپ ايتقاندا, لاتۆييا, ليتۆا, ەستونييا, گرۋزييا جەنە ۆەنگرييا باسشىلارى, اقش-تىڭ ەنەرگەتيكا مينيسترٸ جەنە كانادانىڭ قورعانىس مينيسترٸ كەلدٸ. قازاقستان دەلەگاتسيياسىن پارلامەنت سەناتى تٶراعاسىنىڭ ورىنباسارى بەكتاس بەكنازاروۆ باستاپ باردى.
