Qazaqstan halqy Assambleianyń jumysyna qazaq ziialylaryn, qazaq jastaryn tartýymyz kerek. Parlament Májilisiniń vitse-spikeri Vladimir Bojko osylai aitty, dep habarlaidy QazAqparat tilshisi.
«Biz Assambleianyń jumysyna qazaq ziialylaryn, qazaq jastaryn tartýymyz kerek. Birlik pen kelisimdi tý etip kelemiz. Quraýshy ult (qazaqtyń - avt.) ekenin durys túsinip otyrmyz. Sońǵy oqiǵalardy saraptai otyryp, jastardy, qazaq ziialylaryn belsendi túrde Qazaqstan halqy Assambleiasynyń jumysyna jumyldyrýǵa tiispiz. «Qazaqstannyń 100 jańa esimine» engen myqty azamattar barshylyq. Jetistikke jetken azamattardy assambleianyń jumysyna aralastyrý kerek», - dedi ol QR Prezidenti ulyqtaý rásiminde aitylǵan bastamalardy talqylaýǵa arnalǵan QHA keńesiniń otyrysynda.
Sonymen birge, Vladimir Bojko qazaq tilin úiretýdi tereńdetý qajettigin atap ótti.
«Biz qazaq tilin úiretý jumysyn kúsheitýimiz kerek. Ásirese, jastar arasynda. Qazaq tilin biletin jastar flagman, úlgi bolyp, osy baǵytta jumys júrgizýimiz kerek. Qazaq tili - memlekettik til. Bizdiń bárimiz qazaq tiliniń áleýmettik, ekonomikalyq liftke ainalǵanyn túsinýimiz kerek», - dedi Vladimir Bojko.
Eske sala ketsek, atalmysh otyrysta QHA tóraǵasynyń orynbasary Janseiit Túimebaev Prezident Qasym-Jomart Toqaevtyń ulyqtaý rásiminde aitylǵan baiandamasyna baǵdarlamalyq sipat berip, assambleia qandai baǵytta jumys júrgizetinin aitqan bolatyn.
