قازاقستان حالقى اسسامبلەيانىڭ جۇمىسىنا قازاق زييالىلارىن, قازاق جاستارىن تارتۋىمىز كەرەك. پارلامەنت مەجٸلٸسٸنٸڭ ۆيتسە-سپيكەرٸ ۆلاديمير بوجكو وسىلاي ايتتى, دەپ حابارلايدى قازاقپارات تٸلشٸسٸ.
«بٸز اسسامبلەيانىڭ جۇمىسىنا قازاق زييالىلارىن, قازاق جاستارىن تارتۋىمىز كەرەك. بٸرلٸك پەن كەلٸسٸمدٸ تۋ ەتٸپ كەلەمٸز. قۇراۋشى ۇلت (قازاقتىڭ - اۆت.) ەكەنٸن دۇرىس تٷسٸنٸپ وتىرمىز. سوڭعى وقيعالاردى ساراپتاي وتىرىپ, جاستاردى, قازاق زييالىلارىن بەلسەندٸ تٷردە قازاقستان حالقى اسسامبلەياسىنىڭ جۇمىسىنا جۇمىلدىرۋعا تيٸسپٸز. «قازاقستاننىڭ 100 جاڭا ەسٸمٸنە» ەنگەن مىقتى ازاماتتار بارشىلىق. جەتٸستٸككە جەتكەن ازاماتتاردى اسسامبلەيانىڭ جۇمىسىنا ارالاستىرۋ كەرەك», - دەدٸ ول قر پرەزيدەنتٸ ۇلىقتاۋ رەسٸمٸندە ايتىلعان باستامالاردى تالقىلاۋعا ارنالعان قحا كەڭەسٸنٸڭ وتىرىسىندا.
سونىمەن بٸرگە, ۆلاديمير بوجكو قازاق تٸلٸن ٷيرەتۋدٸ تەرەڭدەتۋ قاجەتتٸگٸن اتاپ ٶتتٸ.
«بٸز قازاق تٸلٸن ٷيرەتۋ جۇمىسىن كٷشەيتۋٸمٸز كەرەك. ەسٸرەسە, جاستار اراسىندا. قازاق تٸلٸن بٸلەتٸن جاستار فلاگمان, ٷلگٸ بولىپ, وسى باعىتتا جۇمىس جٷرگٸزۋٸمٸز كەرەك. قازاق تٸلٸ - مەملەكەتتٸك تٸل. بٸزدٸڭ بەرٸمٸز قازاق تٸلٸنٸڭ ەلەۋمەتتٸك, ەكونوميكالىق ليفتكە اينالعانىن تٷسٸنۋٸمٸز كەرەك», - دەدٸ ۆلاديمير بوجكو.
ەسكە سالا كەتسەك, اتالمىش وتىرىستا قحا تٶراعاسىنىڭ ورىنباسارى جانسەيٸت تٷيمەباەۆ پرەزيدەنت قاسىم-جومارت توقاەۆتىڭ ۇلىقتاۋ رەسٸمٸندە ايتىلعان بايانداماسىنا باعدارلامالىق سيپات بەرٸپ, اسسامبلەيا قانداي باعىتتا جۇمىس جٷرگٸزەتٸنٸن ايتقان بولاتىن.
