Foto: © RIA Novosti / Mihail Klimentev
Premer-ministrdiń orynbasary – saýda jáne integratsiia ministri Serik Jumanǵarin Resei prezidenti Vladimir Pýtinniń Qazaqstanǵa sapary barysynda qandai máseleler talqylanatynyn aitty, dep habarlaidy Sputnik Qazaqstan saity.
Ministrdiń aitýynsha, óńiraralyq yntymaqtastyq forýmynda aýyl sharýashylyǵyna erekshe nazar aýdarylady. Atap aitqanda, aýyl sharýashylyǵyn tsifrlandyrý, aýyl sharýashylyǵyndaǵy jastar jáne taǵy basqa máseleler qozǵalady.
"Bul jerde taza ekonomikalyq jáne saýda qarym-qatynastaryn ǵana talqylaimyz. Men bul eki elge de paidaly dep sanaimyn. Aldymen – ekonomika, keiin – saiasat. Bizde Reseimen taýar ainalymy – 27 mlrd dollar", – dedi Jumanǵarin Úkimette ótken brifingte.
Vitse-premer biyl óńiraralyq forýmǵa 20 jyl tolatynyn eske saldy. Forýmda eki el turǵyndary men biznesiniń problemalary talqylanady.
Jumanǵarin qazirgi tańda Resei Qazaqstannyń iri saýda seriktesi ekenin atap ótti. Eger byltyr eksport 9 mlrd dollar bolsa, biyl onyń kólemi ósip jatyr.
Aita keteiik, Memleket basshysy Qasym-Jomart Toqaevtyń shaqyrýymen 9 qarashada Resei Federatsiiasynyń prezidenti Vladimir Pýtin Astanaǵa resmi saparmen keledi.
Sapar barysynda eki el basshylary kelissóz júrgizip, Qazaqstan men Resei arasyndaǵy strategiialyq seriktestiktiń ózekti máselelerin talqylaidy dep josparlanyp otyr.
Budan bólek, prezidentter Qostanaida ótetin Qazaqstan men Reseidiń XIX Óńiraralyq yntymaqtastyq forýmyna beinebailanys rejiminde qatysady.
