Foto: Reuters
Premer-ministrdiń orynbasary - qarjy ministri Erulan Jamaýbaev Qazaqstannyń memlekettik qaryzy týraly aitty, - dep habarlaidy Tengrinews.kz saity.
"Búginde barlyq belgilengen boryshtyq kelisimder saqtalyp otyr. Memlekettik qaryz JIÓ-niń 25 paiyzynan az bolady. Memlekettik boryshty basqarýdyń júrgizilip jatqan saiasaty belgilengen qarjylyq shekteýlerdi qatań saqtai otyryp júzege asyrylady", - dedi Jamaýbaev Parlament palatalarynyń birlesken otyrysynda.
Jamaýbaev Joǵarǵy aýditorlyq palatanyń (JAP) qabyldanǵan mindettemelerdiń ashyqtyǵy men aiqyndylyǵyn arttyrý jónindegi bastamasyn qoldaitynyn aitty. Olar jumys barysynda eskeriletini aityldy.
"Depýtattar men Joǵarǵy aýditorlyq palatanyń memlekettik josparlaý júiesine jáne qarajatty paidalaný tiimdiligin arttyrýǵa qatysty kótergen máseleleri, sondai-aq basqa da máseleler jeke Jol kartasyna engiziledi", - dep túiindedi ol.
Al Premer-Ministr aldaǵy ýaqytta memlekettik qaryz deńgeii qaýipsiz deńgeide bolatynyn aitty.
"Byltyr biýdjet kirisi 42 paiyzǵa ósti. Biyl da Úkimet ósimdi kútedi. Bul qarqyn aldaǵy ýaqytta da saqtalýy kerek. Valiýtalyq táýekelderdi azaitý úshin teńgemen qaryz alý. Jalpy, aldaǵy bes jylda memlekettik qaryz deńgeii qaýipsiz deńgeide bolady jáne jalpy ishki ónimniń 25 paiyzynan aspaidy", - dedi premer-ministr Álihan Smaiylov.
