Ulttyq ekonomika birinshi vitse-ministri Timýr Jaqsylyqov dollardyń teńgege shaqqandaǵy baǵamynyń turaqsyz jaǵdaiyna bailanysty qazaqstandyqtarǵa keńes berdi, - dep habarlaidy Tengrinews.kz.
"Meniń jeke pikirim, qazir asyǵys áreket jasaýdyń qajeti joq. Oqiǵalardy qadaǵalap otyrýymyz kerek. Qazir baǵam qubylmaly bolýy múmkin, bul oqiǵalardy boljaýdyń qiyndyǵyna bailanysty.
Biraq baǵam álsireýi de, kúsheiýi de múmkin degendi bildiredi. Iaǵni, asyǵys áreket jasamaǵan durys. Kútýimiz kerek, oqiǵalar qalai órbitinin kútýimiz kerek. Meniń oiymsha, aiyrbas baǵamy jaqyn arada turaqtanyp, tepe-teń mánderge oralady", - dedi Jaqsylyqov Májilis alańynda jýrnalisterdiń suraqtaryna jaýap berip.
Onyń aitýynsha, ulttyq valiýta úshin belgili bir qaýip-qater bar.
"Resei rýbliniń baǵamy men qazir bolyp jatqannyń bári, árine, Qazaqstan ekonomikasyna jáne teńge baǵamyna belgili bir dárejede áser etedi. Biraq Ulttyq bank qajetti sharalardy qabyldady, olardy kórip otyrsyzdar. Búgin tańerteń saýda qalai uiymdastyrylatyny týraly aqparattyq habarlama boldy", - dep tolyqtyrdy vitse-ministr.
