Foto: OKQ baspasóz qyzmeti
Qarjy vitse-ministri Erjan Birjanov salyqtan jaltaryp, túrli ádis qoldanyp júrgen kásipkerler týraly aitty, - dep habarlaidy Massaget.kz portaly.
BAQ ókili vitse-ministrge "Qazir kóptegen saýdager salyqtan qashyp, satyp alýshylarǵa aqshany mobildi telefonyna balans retinde jiberýdi suraidy. Olarǵa qatysty qandai da bir shara qabyldana ma?" dep suraq qoidy.
"Menińshe, bul jańadan shyqqan kóp tásildiń biri ǵana. Aqshany kásipkerge balans arqyly jiberý - ýaqytsha qubylys jáne yńǵaisyz nárse. Óitkeni klientke ártúrli bailanys operatorlarynan jiberip otyrý kóp ýaqyt alady ári yńǵaisyzdyq týdyrady. Ýaqyt óte ózdiginen joiylady dep oilaimyn. Biz - klientpiz, olarǵa durys-burysyn biz aitamyz. Men klient retinde eshkimge balans aýdarmaimyn. Maǵan bank kartasy arqyly tólegen yńǵaily, sebebi onda "keshbek" bar", - dedi Birjanov ortalyq kommýnikatsiialar qyzmetinde ótken baspasóz máslihatynda.
Onyń aitýynsha, eger mundai aýdarymdar jiilese, ministrlik bailanys operatorlary arqyly shara qabyldaidy.
