QR Bilim jáne ǵylym vitse-ministri Ashat Aimaǵambetovtiń mektepterdi akkreditteý jáne mektep direktorlaryn taǵaiyndaý týraly aitty, dep habarlaidy QazAqparat tilshisi.
Vitse-ministrdiń aitýynsha, ministrlik «Daryn» respýblikalyq ǵylymi-tájiribelik ortalyǵy úshin mindetter tizimin keńeitedi. Endi onda tek baiqaý jáne olimpiadalar ótkizýmen qatar, daryndy balalardyń arnaiy mektepteriniń jumysy da úilestiriledi.
«Biz mektep direktorlaryn taǵaiyndaý erejelerine ózgeris engizdik. Endi bilim basqarmalary men bólimderi mektepterdiń direktorlaryn derbes taǵaiyndai almaidy, olar «Daryn» ortalyǵymen ortaq kelisimge kelýge mindetti. Innovatsiialyq-bilim berý litseilerinde ózine tán qundylyqtary bar. Bilim basqarmalaryndaǵy áriptesterimiz kadrlyq máselelerdi ózdiginen sheshpek bolǵan, al litseilerdiń ózderi basqa pikirde. Biz de jańa erejeler arqyly osy máseleni sheshemiz. «KATEV» halyqaralyq qoǵamdyq qory innovatsiialyq-bilim berý litseileriniń jumysyn úilestirip otyrǵandyqtan, direktorlardy taǵaiyndaý máselesinde óz pikirin bildirýi qajet. Basqa mektepter boiynsha da dál solai, bul rette «Daryn» ortalyǵymen keńesý qajet», - dedi Ashat Aimaǵambetov Súleimen Demirel ýniversitetinde ótken tamyz keńesinde.
Qazaqstanda búgingi tańda daryndy balalarǵa arnalǵan 131 mamandandyrylǵan mektep bar. Ministrlik olardyń barlyǵyna halyqaralyq akkreditteýden ótýdi usynyp otyr.
